७ भदौ, काठमाडौं : ६० किलो सुन तस्करी प्रकरणमा अनुसन्धान गर्ने सीआईबीका प्रहरी उपरीक्षक (एसपी) संजय सिंह थापाको नुवाकोट सरुवा भएको छ ।
हङकङबाट ब्रेक शु मा ल्याइएको ६० किलो ७६१ ग्राम सुन सम्बन्धी फाइल राजश्व अनुसन्धान विभागबाट सीआईबीमा पुगेपछि एसपी थापालाई प्रमुख अनुसन्धान अधिकृत तोकेर अनुसन्धान भएको थियो । तर सुन प्रकरणको अनुसन्धानकै बिचमा थापाको नुवाकोट सरुवा गरेको पाइएको छ ।
सीआईबीकी प्रमुख एआइजी किरण ब्रजाचार्यले पहिलो चरणमा सुन प्रकरणको विस्तृत अनुसन्धान नसकिएकाले पुरक अनुसन्धान गरिने बताएकी थिइन् । तर पुरक अनुसन्धान सुरु गर्नु पूर्वनै थापालाई नुवाकोट पठाइएको छ ।
थापाको सुन प्रकरणको अनुसन्धान भइरहेकै समयमा गत भदौ १५ गते सरुवा भएको हो । नुवाकाटोका एसपी रविन्द्र पण्डितलाई प्रदेश प्रहरी कार्यालय अपराध अनुसन्धान शाखा रुपन्देहीमा सरुवा गरेर एसपी थापालाई नुवाकोट पठाइएको हो ।
थापाले एक साता अघिनै नुवकोट पुगेर जिम्मेवारी सम्हालेका छन् ।
सीआईबीमा एसपी थापाको स्थानमा भने जिल्ला प्रहरी कार्यालय बाराबाट एसपी होविन्द्र बोगटीलाई तानिएको छ । एसपी बोगटीले पुरक अनुसन्धान अघि बढाउने सीआईबी स्रोतको भनाई छ ।
सीआईबी प्रमुख एआइजी किरण ब्रजाचार्य बिदामा भएकाले सुनको पुरक अनुसन्धान अब कसरी अघि बढ्छ भन्ने टुंगो नलागेको सीआईबी स्रोतले जनाएको छ ।
र्सेक्रेट्स अफ गोल्ड माफियाका श्रृङ्खलाहरु
श्रृङ्खला १ : सुन तस्कर जोगाउन प्रधानमन्त्री र गृहमन्त्रीको दबाबमा गैरकानूनी अनुसन्धान
श्रृङ्खला २ : सुन तस्करीमा ‘बिध ल्याब’का मालिक भिमकान्त भण्डारी
श्रृङ्खला ४ : EXCLUSIVE : सुन तस्करीका नाइके दावासँग पूर्व IGP धीरज प्रताप सिंहको ‘हिमचिम’
