काठमाडौँ । राष्ट्रिय स्वतन्त्र पार्टीका सभापति रवि लामिछानले सोमबार टुँडिखेलमा भएको घटना बारे टिप्पणी गरेका छन् । मंगलबार संसद भवन बाहिर सञ्चारकर्मीहरुले लामिछानेलाई सोमबार टँडिखेलमा भएको नारावाजिका विषयमा प्रश्न गरेका थिए ।
देउवाले मञ्चबाटै सर्वसाधारणलाई भने–‘लाज नभएका बदमासहरु’ (भिडियाे)
जवाफमा लामिछानेले दुई तिहाईको सरकारका लागि ठुलो घण्टी भएको टिप्पणी गरे । उनले भने, ‘दुई तिहाईको सरकारलाई यो भन्दा ठुलो घण्टी अरु के बज्ने होर ?’
लामिछानेले नागरिकले चासोका साथ राजनीतिलाई हेरेकाले अब जे पनि चल्दैन भन्ने संकेतको सुरुवात भएको पनि बताए । हरेक ठाउँमा नागरिकले हस्तक्षप गर्न सुरु गरिसकेको भन्दै लामिछानेले भने, ‘राजनीतिकरुपमा हामीले हस्तक्षप गर्न आयौँ, आम नागरिकले पनि हस्तक्षेप गर्न अब सुरु गरे भन्ने संकेतका रुपमा बुझ्नुपर्छ ।’ टुँडिखेलमा जनताले हरेक चिज हेरिरहेका छन्, जागिरहेका छन् भन्ने सन्देश अभिव्यक्त भएको लामिछानेले बताए ।
नेताहरुविरुद्ध नारावाजी भएपछि प्रधानमन्त्री ओलीले भने, ‘नयाँ पुस्ताले शिष्टता बिर्सियो’ (भिडियाे)
लामिछानले भने, ‘जनताले हरेक चिज हेरिरहेका छन् भन्ने कुराको स्पष्ट सन्देश गत चुनावमा हामीले पनि देखाएको हो, स्थानीय चुनावमा साथीहरुले पनि देखाइसकेका हुन्, अहिले आम नागरिक तहमा देखाइसकियो भने अब अरु हेर्न बाँकी केही पनि छैन, सच्चिनु सुध्रिनु बाहेक केही छैन।
टुँडिखेलमा ओली र देउवा विरुद्ध नारा लगाउनेहरू भिडियो फुटेज हेरेर पहिचान गरिंदै
