काठमाडाैँ । नेपाली कांग्रेसका सभापति एवं पूर्वप्रधानमन्त्री शेरबहादुर देउवाले सर्वसाधार।णलाई ‘लाज नभएकाहरु’ भन्दै हप्काएका छन् । काठमाडौँमा आयोजित गौरा पर्व हेर्न पुगेका सर्वसाधारणहरुलाई देउवाले मञ्चबाटै यस्तो भनेका हुन् ।
मञ्चमा उनी बोल्दै गर्दा सहभागीहरुले होहल्ला गरेका थिए । त्यसपछि देउवा आक्रोसित बनेका हुन् । नारावाजी भएपछि उनले भने, ‘तपाईँहरु जति कराउनुहुन्छ म बोल्ने कुरा बोलिहाल्छु । जति कराएपनि कराउनुस् । जति कराउन मन छ कराउनुस् । लाज पनि छैन अर्काको कार्यक्रम बिथोल्ने ? लाज नभाकाहरु । अर्काको कार्यक्रम विथोल्ने लाज छैन ? यही हो नेपालको संस्कृति ? यही हो नेपालको चलन ? यही सिकेर आएको ? बदमासहरु । आदरणिय दाजुभाई, दिदिबहिनीहरु यस्तै छ । यहाँ गौरापर्व सुन्न आएका छन् । देउडा खेल्न आएका छन् । कुरा सुन्न दिदैनन् । न देउडा खेल्न दिन्छन् । यस्ता अर्काको कार्यक्रम विथोल्नेहरु यहाँ बसेका छन् । यस्तालाई जनातले ठिक पार्छन् । ठिक पार्नुपर्छ ।’
