मङ्कीपक्स सङ्क्रमणको जोखिममा नेपाल : स्वास्थ्य मन्त्रालय
काठमाडाैँ । स्वास्थ्य तथा जनसङ्ख्या मन्त्रालयले मङ्कीपक्स सङ्क्रमणको जोखिममा नेपाल रहेको जनाएको छ ।
मङ्कीपक्स भाइरसको सङ्क्रमण छिमेकी देश भारतमा दु्रत रुपमा फैलिरहेकाले जोखिम रहेको मन्त्रालयका प्रवक्ता डा प्रकाश बुढाथोकीले जानकारी दिए। “नेपालमा अघिल्लो वर्ष एक जना विदेशी ६० वर्षीया महिलामा मङ्कीपक्स सङ्क्रमण देखिएकाले पनि नेपाल मङ्कीपक्स सङ्क्रमणको जोखिम नरहेको भन्न सकिदैन”, उनले भने ।
उनले मङ्कीपक्सको पूर्वतयारीबारे मन्त्रालयले विषय विज्ञसँग सुझाव लिइसकेको बताए । मन्त्रालयले हवाई तथा सीमा नाकामा रहेका हेल्थ डेस्क तथा सरुवा रोगको निगरानी गर्न सङ्घ, प्रदेश र स्थानीय तहलाई निर्देशन दिइसकेको प्रवक्ता डा बुढाथोकीले जानकारी दिए ।
उनका अनुसार मन्त्रालयले सातवटै प्रदेशमा रोगको रोकथाम र व्यवस्थापनका लागि अस्पताल र चिकित्सक तोकेको छ । केही दिनयता अफ्रिकी मुलुक कङ्गोमा मङ्कीपक्स भाइरसका घातक प्रजाति ‘क्लेड १ वी’ फैलिरहेको छ । मन्त्रालयका अनुसार जनवरी यतामात्र उक्त भाइरसका कारण पाँच सय ४८ जनाको मृत्यु भइसकेको छ । विश्व स्वास्थ्य सङ्गठनले पनि मङ्कीपक्स सङ्क्रमण बढिरहेकाले विश्वव्यापी जनस्वास्थ्य आपतकालिन् घोषणा गरेको छ ।
‘मङ्कीपक्सः बेलैमा सतर्कता अपनाइएन भने घातक अवस्था झेल्नु पर्न सक्छ’ : डा शेरबहादुर पुन
- सञ्चाेकाे उत्पादन केही दिनबाटै सुरु गर्छाैँ : वनमन्त्री शाही
- 'सरकारले आफ्नो अक्षमता ढाक्न महानगरमा प्रशासकीय अधिकृत पठाएर नाटक मञ्चन गर्याे'
- कालीकोटमा पनि प्रमुख प्रशासकीय अधिकृतकै हाहाकार, शिक्षकले पाएनन् छ महिनादेखि तलब
- प्रधाानमन्त्री ओली र श्रीलङ्काका प्रधानमन्त्री अमरासुरियाबीच भेटवार्ता
- बालुवाटार घेर्न पुगे सहकारी, लघुवित्त, बैंक तथा मिटरब्याज पीडित (तस्विरहरु)
- एआइटीमा प्रधानमन्त्रीको सम्बोधनः ‘मानव जातिको सुरक्षित र समृद्ध भविष्यका लागि साझा प्रयास आवश्यक’
- बागलुङमा पिकअप दुर्घटना हुँदा २ जनाकाे को मृत्यु
- ३ महिनापछि महानगरका प्रमुख प्रशासकीय अधिकृतले सम्हाले जिम्मेवारी, भोलिदेखि काममा अवरोध नहुने
