काठमाडाैँ । नवनियुक्त कृषि तथा पशुपन्छी विकास मन्त्री रामनाथ अधिकारीले मन्त्रालयको पदभार सम्हाल्न पुग्दा मन्त्रालयका कर्मचारीहरु आन्दोलनरत अवस्थामा पाएका छन् । सोमबार पदभार सम्हाल्न मन्त्रालय पुगेका मन्त्री अधिकारीले मन्त्रालयको मुख्य प्रवेशद्वार अगाडि नै मन्त्रालयका कर्मचारी आन्दोलनरत अवस्थामा पाएका हुन् ।
कृषि मन्त्रालयमा कार्यरत राजपत्रांकित तेस्रो श्रेणाीका प्राविधिकहरूको कर्मचारीहरुले आफ्ना विभिन्न माग राख्दै आन्दोलन गरिरहेका छन् । मन्त्रालयमा समायोजन भएका राजपत्रांकित तेस्रो श्रेणीका प्राविधिक कर्मचारीहरूले आफ्नो वृत्ति विकास रोकिएकोले वृत्ति विकाससहितको दरबन्दी यकिन गर्न दबाब दिँदै आन्दोलन जारी राखेका हुन् । सोही समयमा पदभार ग्रहण गर्न पुगेका मन्त्रीले फुलमालाको सट्टा कर्मचारीको असहयोग पाएका छन् ।
धर्नामा रहेका कर्मचारीहरुसँग केही समय कुराकानी गरेपछि उनी पदभार नै नगरी क्यान्टिनमा गएर बसेका छन् ।
