बबरमहलमा फुटेको खानेपानी पाइप मर्मत गरियाे
काठमाडाैँ । काठमाडौँको बबरमहलमा फुटेको खानेपानी पाइपको मर्मत गरिएको छ ।
बुधबार बबरमहलमा रहेको खानेपानीको थोक वितरण प्रणालीको फुटेको पाइपको मर्मत गरिएको हो । सो क्षेत्रमा फुटेको पाइपको स्थानमा नयाँ पाइप राखिएको काठमाडौं उपत्यका खानेपानी लिमिटेड (केयूकेएल)ले जनाएको छ । काठमाडौँमा वितरण गरिने थोक प्रणालीको पाइप फुटेपछि बुधबार रातीदेखि नै मर्मत गर्ने कार्य सुरु गरिएको थियो ।
पाइप फुटेपछि पानी पूरै बगेर बबरमहल जलमग्न भएको थियो । मर्मत पूर्ण रुपमा सकिएपछि परिक्षण गरि पानी वितरण प्रक्रिया सुरु गर्ने केयूकेएलले जानकारी दिएको छ ।
विद्युत्का तार भूमिगत गर्न ड्रिलिङ गर्ने क्रममा बबरमहलमा रहेको खानेपानीको थोक वितरण प्रणालीको पाइप फुटेको थियो । जसले विषेश अदालतसहित सरकारी कार्यालयमा पानी पसेर क्षति गरेको थियो । बिहीबार पानी छिरेका सरकारी कार्यालयहरुमा सफाइको काम गरिएको छ ।
- न्यून ‘भिजिबिलिटी’का कारण एक सातादेखि उडान प्रभावित
- परराष्ट्रमन्त्री डा राणा नयाँ दिल्लीमा, भारतीय विदेशमन्त्रीसँग भेटवार्ता हुने
- उच्छृङ्खल गतिविधि गरेको आरोपमा ५५ जना पक्राउ, २ सय ५३ सवारी नियन्त्रणमा
- ललितपुरको हरिसिद्धिमा नाचियो हरिसिद्धि नाच (तस्विरहरु)
- आकाशबाट हेर्दा बसन्तपुरको होली (तस्विरहरु)
- प्रेम र यौनको प्रतीकका रूपमा भक्तपुरमा होली पर्व
- होलीमा उत्शृङ्खल गतिविधिमा संलग्न १२ जना पक्राउ, ९४ थान सवारी साधन होल्ड
- होलीमा रङ्गिएको बसन्तपुर (तस्विरहरु)
