काठमाडौँ । पुर्व गृहमन्त्री समेत रहेका राष्टि«य स्वतन्त्र पार्टीका सभापतिले आफूहरुले आफ्नो कार्यकालमा जो जो व्यक्तिहरुलाई केन्द्रमा राखेर अनुसन्धान गर्यो तिनै व्यक्तिलाई सरकारले पुरस्किृत गरेको बताएका छन् । आइतबार प्रधानमन्त्री केपी शर्मा ओलीलाई विश्वासको मत दिन नदिने भन्ने विषयमा संसदमा बोल्दै उनले सो अभिव्यक्ति दिएका हुन् ।
‘सरकार सुरु हुने बितिक्कै हामीले अनुसन्धान गरिरहेको विषय, कोही हाजिरी जमानीमा छुट्नुभएको मान्छे, बालकोटमा गित गाउँदै हुनुहुन्थ्यो । बाँसबारी छालाजुत्ताको अनुसन्धान चलिरहेको मान्छेको गीतको आवाज आयो बालकोटबाट । त्यहाँ हामीलाई शंकाको विषय आयो । त्यसपछि त्यहाँ मन्त्रीपरिषदको विषय आयो । जहाँजहाँ हामीले विषय उठायौँ, त्यहाँ त्यहाँ पुरस्कार देखियो’, उनले भने, ‘नक्कली भुटानी शरणार्थीको विषयमा पुनः अनुसन्धान सुरु भयो, मन्त्रीमण्डलमा को गयो, संसद र देशलाई राम्रोसँग थाहा छ । हामीले बालमन्दिरको विषय उठायौँ, त्यहाँपनि पुरस्कार । बालमन्दिरको विषय उठिरहँदा, मन्त्रीमण्डलमा कसको सदस्य जानुभयोे, त्यसले पनि हामीलाई झस्काउने वातावरण सिर्जना गर्यो ।’
