काठमाडौँ । भारतीय प्रख्यात धनाड्य व्यापारी रतन टाटाको निधन भएको छ । गएराति ८६ वर्षको उमेरमा उनको निधन भएको टाटा ग्रुपले जारी गरेको शोक वक्तव्यमा उल्लेख छ ।
रतन टाटा विश्वभर प्रख्यात भारतीय टाटा ग्रुपका अध्यक्ष हुन् । ‘हाम्रो प्रिय रतन टाटाको शान्तिपूर्ण निधनको घोषणा गर्दा हामी गहिरो दुःखमा छौँ’ टाटा ग्रुपको तर्फबाट उनको परिवारले जारी गरेको शोक वक्तव्यमा भनिएको छ ।
उनी केहिदिन देखि मुम्बईको ब्रिज क्याण्डी अस्पतालमा उपचाररत थिए । गए राति उपचारकै क्रममा उनको निधन भएको टाटा सन्सका अध्यक्ष एन चन्द्रशेखरनद्धारा जारी शोक वक्तव्यमा उल्लेख छ ।
टाटा ग्रुपले भारत सरकारलाई वार्षिक एक सय बिलियन डलर हाराहारी कर तिर्छ । टाटा विश्व बजारमा सबै प्रकारका सवारी बिक्रीमा अग्रणी ग्रुप हो । कम्पनीका एयर इन्डिया, टाटा स्टील्स लगायतका दर्जनौँ ब्रान्डहरू पनि विश्वस्तरीय छन् । ग्रुप अन्तरगत १० लाख मानिसहरूले रोजगारी पाइराखेका बताइन्छ ।
