काठमाडाैँ । राष्ट्रिय प्रजातन्त्र पार्टीले प्रधानमन्त्री पुष्पकमल दाहाल प्रचण्डलाई विश्वासको मत नदिने निर्णय गरेको छ ।
सिंहदरबारमा बिहिबार बसेको राप्रपा संसदीय दलको बैठकले प्रचण्डको विश्वासको मतको बिपक्षमा उभिने निर्णय गरेको राप्रपा प्रमुख सचेतक ज्ञानेन्द्र शाहीले जानकारी दिए ।
अहिले कांग्रेस–एमालेको नयाँ गठवन्धनमा सामेल हुने–नहुने बिषयमा भने कुनै निर्णय नगरेको उहाले बताउनुभयो । उहाले नयाँ सरकार गठन भइसकेपछि र संविधान संशोधनमा बिषयमा स्पष्ट धारणा आएपछि पार्टीभित्र छलफल गरेर आवश्यक निर्णय गर्ने बताए ।
उनले सरकारको नेतृत्व पटक पटक परिवर्तन हुँदा दलहरुले जनताको अवस्थामा बारेमा ध्यान दिन जरुरी रहेको जिकिर गरे ।
असार २७, २०८१ ०४:५४ मा प्रकाशित
