प्रहरी कुटपिटमा संलग्न अनेरास्ववियुका नेता कमल जोशी पक्राउ
काठमाडौँ । ठमेलमा प्रहरीमाथि आक्रमण गरेको आरोप लागेका नेकपा (एमाले)को भातृसंगठन अनेरास्ववियुका स्थायी समिति सदस्य कमल जोशीलाई प्रहरीले पक्राउ गरेको छ । काठमाडौँ प्रहरी परिसरका एसपी अपिलराज बाेहराले जाेशी पक्राउ परेकाे पुष्टि गरे ।
माघ २४ गते गते ठमेलमा ड्युटीमा रहेका प्रहरी जवान नगेन्द्रराज विष्ट र हवल्दार जुगलाल घर्तीमाथि आक्रमण भएको थियो । उक्त घटनामा अमृत साइन्स क्याम्पसको स्वतन्त्र विद्यार्थी युनियनका सहसचिव रमेश फुलारा र दिनेश सिग्देललाई प्रहरीले पक्राउ गरिसकेको छ ।
त्यस्तै अनेरास्ववियुको अस्कल क्याम्पस कमिटी सचिव गोपालबहादुर शाही, क्याम्पस कमिटी सदस्य नवीन ऐर र शौजन्य शाहीलाई प्रहरीले फरार सूचीमा राखेको छ ।
तर सिसिटिभीमा देखिएका कमल जोशीलाई प्रहरीले फरार सूचीमा राखेको थिएन । एमाले निकट जोशीलाई सरकारले उन्मुक्ति दिन खोजेको भन्दै चर्को आलोचना भएपछि गृहमन्त्री रमेश लेखकले पक्राउ गर्न निर्देशन दिएका थिए । र अहिले जोशी पक्राउ परेका छन् ।
- न्यून ‘भिजिबिलिटी’का कारण एक सातादेखि उडान प्रभावित
- परराष्ट्रमन्त्री डा राणा नयाँ दिल्लीमा, भारतीय विदेशमन्त्रीसँग भेटवार्ता हुने
- उच्छृङ्खल गतिविधि गरेको आरोपमा ५५ जना पक्राउ, २ सय ५३ सवारी नियन्त्रणमा
- ललितपुरको हरिसिद्धिमा नाचियो हरिसिद्धि नाच (तस्विरहरु)
- आकाशबाट हेर्दा बसन्तपुरको होली (तस्विरहरु)
- प्रेम र यौनको प्रतीकका रूपमा भक्तपुरमा होली पर्व
- होलीमा उत्शृङ्खल गतिविधिमा संलग्न १२ जना पक्राउ, ९४ थान सवारी साधन होल्ड
- होलीमा रङ्गिएको बसन्तपुर (तस्विरहरु)
