पोखरा । सोमबार बिहानै देखि पोखराको मौसम सफा र खुलेको छ । नियमित जस्तै मानिसहरु आफ्नो दैनिकीका लागि सहरबाट गन्तव्यका लागि निस्कन थालेका छन् । पोखराको पृथ्वी चोक सदा जस्तै व्यस्त छ । बिहानको १० बजेपछि पृथ्वी चोकमा फाट्टफुट्ट मानिसहरू भेला हुन थालेका छन् । 

चार दिन देखि प्रहरी हिरासतमा रहेका राष्ट्रिय स्वतन्त्र पार्टी ९रास्वपा० का सभापति रवि लामिछानेको न्यायका लागि पोखरामा सो पार्टीको आन्दोलन जारी छ । आजका लागि रास्वपाले आफ्नो बृहत विरोध कार्यक्रम पृथ्वी चोकमा तय गरेको छ ।

व्यस्त चोकमा सर्वसाधारणको नियमित दैनिकी र आवतजावतमा कुनै असर नपर्ने गरी आयोजना गरिएको विरोध सभाका लागि आयोजकहरू भेला भए । 

रास्वपाको सिङ्गो केन्द्रिय पार्टी, पार्टीको गण्डकी प्रदेश र कास्की जिल्लाका सबै नेताहरू समयमै भेला भए । रवि माथिको प्रतिशोधका विरुद्ध स्वतःस्फूर्त रुपमा सर्वसाधारणहरू भेला हुन सुरु भए ।

पृथ्वी चोकबाट रास्वपाका नेता कार्यकर्ता चिप्लेढुंगातर्फ विरोध ¥याली गर्दै अघि बढे । सो ¥यालीको पहिलो पङ्क्तिमा उभिइन ८७ वर्षीय दुर्गा अधिकारी । अधिकारी रास्वपाका युवा नेताहरूसँगै पैदलै रविको न्यायका लागि भन्दै ब्यानर बोकेर हिँडिन । सयौँ नेता कार्यकर्ता सहभागी विरोध ¥यालीमा उनले नारा लगाईन ‘रविलाई न्याय दे ! रवि छोरामाथि अन्याय गर्लाउ ?’ 

उनले ओली, शेरबहादुर र गगन मिलेर रविलाई फसाएको आरोप लगाइन । ‘यो सबै ओली, शेरबहादुर र गगनेको काम हो,’ दुर्गा भन्छिन्, ‘सहकारी मास्ने ओली र देउवा हुन् । बाख्रा खाने गगने हो ।’  

दुर्गा जस्तै गरी शारदा पराजुली पनि रास्वपाको चौथो दिनको विरोध कार्यक्रममा सहभागी भइन् । दुर्गाको घर रत्नेचौर पोखरा हो । उनी रविले न्याय पाउनु पर्छ भन्दै आन्दोलनमा सहभागी छिन । ‘रवि छोराले न्याय पाउनु पर्छ । देश बेच्नेले उसलाई थुन्न पाउँदैन,’ उनी आक्रोशित हुँदै भन्छिन् ‘रवि छोरामाथि झुटो आरोप लगाइयो । देश बनाउँछु, जनतालाई बनाउँछु भन्नेलाई न्याय दिनुपर्छ ।’ 

उनले रवि यो देश बनाउन बाँच्नु पर्छ भन्दै उसको सुरक्षा हामीले गर्नु पर्ने समेत बताइन् । रविलाई आरोप लगाउनेहरू विरुद्ध आक्रोशित हुँदै शारदा भन्छिन् ‘सहकारी ठगीमा उसले बदमासी गरेकै छैन् । खाने चोरहरूले रवि छोरालाई बदमास देखाउने रु’ 

पुर्ख्यौली घर स्याङ्जा भएकी गङ्गा तिमल्सिना पनि रविको न्यायका लागि विरोधमा सहभागी छिन् । उनले रवि लामिछानेमाथि अन्याय भएको र प्रतिशोध साँधिएको बताइन् । वास्तविक सहकारी ठग एमाले र कांग्रेस भएको भन्दै उनले रवि माथि हुने अन्याय विरुद्ध एक जुट हुन आग्रह गरिन् ।

उनले वास्तविक सहकारी पीडितहरुलाई सहकारी ठग एमाले र कांग्रेस हुन भनेर चिन्न ढिलाई नगर्न पनि आग्रह गरिन् । ‘रवि लामिछाने दोषी छैनन् । उनलाई फसाउने प्रपञ्च भएको छ’ गंगा भन्छिन्,‘वास्तविक सहकारी पीडितले यो कुुरा जान्नु पर्छ । सहकार ठग एमाले र कांग्रेस हुन् ।’ 

पोखरा महानगरपालिका १४ का केशवलाल उपाध्याय पनि रविको न्याय माग्दै विरोधमा सहभागी छन् । रवि माथि अन्याय भएको भन्दै उनी भावुक बने । जनताको भलो गर्ने लामिछानेले माथि पूराना दलले बेइमानी गरेको उनले बताए ।

‘रवि माथि लागेको आरोप गलत हो,’ उनले भने,‘उनलाई थुनामुक्त गरिनु पर्छ । ’ पूराना दलले उनीमाथि गरेको अन्यायको बदला लिएर जनताले लिने उनको भनाई छ ।