वीरगंज । पर्सामा आमासँगै ऋषिपञ्चमी नुहाउन गएका दुई बालकको मृत्यु भएको छ । जिल्लाको जगरनाथपुर गाउँपालिका–५, मसिहानी टोल नजिकको सिक्टा नदीमा नुहाउने क्रममा दुई बालकको मृत्यु भएको छ।
जिल्ला प्रहरी कार्यालय, पर्साका अनुसार मामाघर आएका बेला आमासँग ऋषिपञ्चमी नुहाउन उनीहरु गंगोल नदी गएका थिए । सोही बेला खोलामा पसेका उनीहरुको डुबेर मृत्यु भएको हो । मृत्यु हुनेहरूमा भारतको बेनिया बनकटका १० वर्षीय गुलसन ठाकुर हजाम र भारतको सिक्टाका ८ वर्षीय अविषेक पटेल रहेका छन् । दुवै बालक हाल मामाघरमा बस्दै आएका थिए ।
प्रहरीले दुवै बालकको शव पोष्टमार्टमका लागि नारायणी अस्पताल, वीरगंज पठाएको छ । घटनाबारे थप अनुसन्धान भइरहेको पर्सा प्रहरीले जनाएको छ ।
भाद्र २३, २०८१ ०६:४३ मा प्रकाशित
