रिलायन्स स्पिनिङको आईपीओबारे लेखा समितिले बोर्डसँग माग्यो लिखित स्पष्टीकरण
काठमाडौँ । संसदको सार्वजनिक लेखा समितिले रिलायन्स स्पिनिङ मिल्सको आईपीओ तथा वित्तीय विवरणबारे नेपाल धितोपत्र बोर्डसँग स्पष्टीकरण मागेको छ ।
सर्वसाधारणलाई बुक विल्डिङ विधिबाट प्राथमिक सेयर (आईपीओ) निष्कासनको अन्तिम चरणमा रहेको रिलायन्स स्पिनिङको वित्तीय विवरण शंकास्पद देखिएको भन्दै मंगलबार बसेको लेखा समिति बैठकले बोर्डसँग जवाफ माग गर्ने निर्णय गरेको हो ।
बोर्डलाई लिखित प्रश्न गर्दै समितिले ७ दिनभित्र स्पष्टीकरण बुझाउन निर्देशन दिएको छ । ‘ रिलायन्सको आइपीओ मूल्य के आधारमा तय गरिएको हो ? बुक बिल्डिङमा आउने कम्पनीको आधार मूल्य तय गर्ने अधिकार कसलाई छ ? र यसको प्रक्रिया के हो ?’ लगायतका प्रश्न समितिले बोर्डसँग माग गरेको छ ।
यस्तै बुक बिल्डिङका लागि बिड गर्न योग्य संस्थागत लगानीकर्ताको उक्त कम्पनी वा कम्पनीका सञ्चालकसँग स्वार्थ बाझिएको छ छैन ? कुन-कुन संस्थागत लगानीकर्ताले यसअघि कति मूल्यमा कति कित्ता सेयरका लागि आवेदन दिएका थिए ? उक्त विवरण पनि उपलब्ध गराउन लेखा समितिले बोर्डसँग माग गरेको छ । समितिले कम्पनीको वित्यि विवरणमा छेडखानी गरिएको हो वा होइन भन्नेपनि स्पष्ट पार्न बोर्डलाई भनेको छ ।
भर्खरै
- माओवादीको प्रश्नः मन्त्रीको घुसको डील बाहिरिएपछि सरकारले एक्सन लिनु पर्छ कि पर्दैन ?
- सुमनाको संसदमा प्रश्न : अडियोमा भनिएका बा को हुन्, सम्बन्धीत ठाउँ कहाँ हो, कसको ठाउँ हो ?
- स्पेनको सेभिया केसले भिजिट भिसा प्रकरणमा हाम्रो अडानको औचित्य पुष्टि भएको छः रास्वपा
- बालकृष्ण खाँड सहित कांग्रेस एमालेका नेताहरुको टोलमा रास्वपाको जित
- स्पेन भ्रमणको सफल पक्षलाई ओझेल पार्न मान्छे छाडेर आयो भनेर झुटा प्रचार गरियोः प्रधानमन्त्री
- दुर्लभ र महँगो मूल्य पर्ने क्यान्सरको औषधि बिरामीलाई निःशुल्क दिइने
- राप्रपामा रडाको : आफै पार्टी छोडेको घोषणा गरेका नवराज सुवेदी पार्टीमा भुमिका खोज्दै निर्वाचन आयोग पुगे
- तीन नेताको तस्बिर राख्दै बाबुरामले भनेः यी तीन जसले जति पटक नेतृत्व गरेपनि कुनै माखो मर्दैन
