सबै कुरा

धरहराकाे नि:शुल्क पार्किङ रोक्न बालेनलाई सरकारको पत्र, बालेन भन्छन् बन्द हुँदैन

सिधाकुरा

सोमबार, माघ २२, २०८०

धरहराकाे नि:शुल्क पार्किङ रोक्न बालेनलाई सरकारको पत्र, बालेन भन्छन् बन्द हुँदैन

काठमाडौं । काठमाडौं महानगरपालिकाले धरहरा क्षेत्रमा सुरु गरेको निुशल्क पार्किङ बन्द गराउन संघिय सरकारले पत्र लेखेपछि मेयर बालेन्द्र साह आक्रोशित भएका छन् ।

उद्घाटन गरेको २ वर्ष ९ महिनासम्म पनि धरहराको निर्माण पुरा नभएको तर पार्किङ सुरु गरेपछि शहरी विकास मन्त्रालयले धरहरा निमार्ण हुँदै छ,पार्किङ बन्द गर्नु भन्ने पत्र लेखेको बालेनले जनाएका छन् ।

शहरी विकास मन्त्रालयले बालेनलाई पठाएको पत्रमा के छ ?( पत्रसहित)

महानगर स्राेतकाअनुसार धरहरा भित्रकाे पार्किङ राेक्न केही दिन अघि शहरी विकास मन्त्रालयले काठमाडौं महानगरलाई पत्राचार गरेकाे थियो ।

राष्ट्रिय पुनः निर्माण प्राधिकरणले निर्माण सुरु गरेकाे धरहरा परियोजना प्राधिकरणकाे समयअवधि सकिएपछि शहरी विकास मन्त्रालयकाे जिम्मेवारीमा सरेको थियो । "धरहराकाे निर्माण कार्य नसकिएका कारण तत्काल साे ठाउँमा पार्किङ नगर्न नगराउन अनुरोध गरिन्छ " महानगरलाई मन्त्रालयले लेखेको पत्रमा भनिएको छ ।

'पार्किङको ठेक्का लिएर नेपाल सरकारको सम्पत्ति माथि रजाई गर्ने मनसाय देखिएको छ' बालेनले लेखेका छन् ।

यस्तो छ बालेनले लेखेको फेसबुक स्टाटस : २०७८ वैशाख ११ शनिबार अर्थात आज भन्दा २ बर्ष ९ महिना २० दिन अगाडि तत्कालिन प्रधानमन्त्री केपी ओलीबाट " सेतो टावर " उदघाटन भयो । सोही उदघाटनलाई काठमाण्डौँका तत्कालिन मेयर बिद्यासुन्दर शाक्यले भन्नु भएको थियो, "आज एक ऐतिहासिक काम सम्पन्न भएको छ , राणाकालिन अवस्थामा भएको भए केपि ओलि टावर भन्थे " ।

तर केहिदिन अगाडि त्यहि ठाउँमा सर्वसाधारणका लागि पार्किङ खुला गर्दा पत्र लेखिन्छ, 'धरहरा निर्माण हुदैछ । पार्किङ बन्द गर्नु ।'

उदघाटन गरेको २ बर्ष ९ महिना पछि पनि बनाएर नसकिएको लाज त्यागेर पत्र लेख्नुको औचित्य के हो ? पार्किङ बन्द गर्न महानगरमा पत्र लेख्नु भन्दा तत्कालीन प्रधानमन्त्री केपि ओलिले भन्नू भएको थियो 'नबनेको भए म बिसौँ तलामा कसरी पुगेँ' भनेर निर्लज्ज प्रतिप्रश्न गर्नेहरूलाई पत्र लेख्नु उपयुक्त हुन्छ ।

तोकिएको समयमा निर्माण भइनसक्ने, भित्तामा नाम लेख्ने हतारोमा निर्माण नभइ उदघाटन हुने जस्ता प्रवृतिलाई भ्रष्टाचारकै नयाँ प्रकृति मानिने राष्ट्रिय नीति बनाऔँ । संघीय र प्रदेश संसद तथा संघीय र प्रदेश सरकारले त्यस्तो नीति पारित गर्न जरूरी छ । निर्माण सम्पन्न नभइ उदघाटन गर्ने कुप्रवृतिलाई निरूत्साहित गरौँ ।

सर्वसाधारणको दैनिक जीवनमा प्रत्यक्ष असर गर्ने र शहरको व्यवस्थापनमा प्रभाव पार्ने यस्ता कुराहरूसँग ख्याल ठट्टा नगरौँ ।

अन्त्यमा सो स्थानमा पार्किङ बन्द छैन र बन्द हुने छैन महानगरको पहलमा अहिलेको लागि निसुल्क सन्चालन हुँदै छ , अझै ब्यबस्थापन गर्दै लग्नेछौ ।अहिले धेरैको नजर यहाँ को पार्किङ को ठेक्का लिएर नेपाल सरकारको सम्पत्ति माथी रजाइ गर्ने मनसाय देखिएको छ । हामी काठमाडौ महानगरमा रहुन्जेल कसैको निजि स्वार्थको लागि सार्वजनिक सम्पती प्रयोग हुन दिने छैनौ ।