काठमाडौँ । पूर्वसांसद ढाकाकुमार श्रेष्ठ पक्राउ परेका छन् । श्रेष्ठलाई पोखरास्थित उनकै क्लिनिकबाट प्रहरीले नियन्त्रणमा लिएको हो। उनलाई लागूऔषध बिक्री गरेको आरोपमा पक्राउ गरिएको कास्की प्रहरीले जनाएको छ।
कास्की प्रहरीले लागू औषधसहित एक जनालाई पक्राउ गरेको थियो । पक्राउ परेका ४२ वर्षका प्रकाश थापामगरले लागूऔषध श्रेष्ठको औषधि पसलबाट किनेको बयान दिएपछि श्रेष्ठलाई पक्राउ गरिएको एक प्रहरी अधिकृतले बताए । ढाकाकुमार श्रेष्ठ राष्ट्रिय स्वतन्त्र पार्टीका पूर्वसांसद हुन् । आर्थिक अनियमितता प्रकरणको अडियो टेप बाहिरिएपछि उनलाई पार्टीले साधारण सदस्यसमेत नरहनेगरी कारबाही गरेको थियो ।
भाद्र २७, २०८१ ०८:२९ मा प्रकाशित
