भाटभटेनीको कर प्रणाली ह्याक गरेर धेरै कर तिरिदिएको आरोपमा २ जना पक्राउ
काठमाडौँ । भाटभटेनी सुपर मार्केटको कर प्रणाली ह्याक गरेको कसुरमा २ जना पक्राउ परेका छन् । प्रहरीको केन्द्रिय अनुसन्धान ब्युरो (सीआईबी) ले चितवनबाट दुई जनालाई पक्राउ गरेको हो ।
पक्राउ पर्नेमा पर्वत घर भएर चितवन बस्ने सन्तोष पराजुली र गोरखाका परिन पाण्डे रहेका छन् । उनीहरूको भाटभटेनी सुपर मार्केटको एकीकृत कर प्रणालीको युजर नाम र पासवर्डमा पहुँच पु¥याएर कर दाखिलाको विवरण फरक पारेको प्रहरीको दाबी छ ।
चितवनमा अडिट फर्म चलाएर बस्ने उनीहरूलाई भाटभटेनीले गरेको उजुरी पछि अनुसन्धानको दायरमा ल्याइएको सीआईबीका प्रवक्ता सुधीरराज शाहीले जानकारी दिए ।
भाटभटेनीले ६ करोड २६ लाख ९४ हजार रुपैयाँ कर तिर्नु पर्नेमा प्रणालीमा गलत सूचना थप गरेर त्यसलाई १३ करोड पु¥याइएको प्रहरी दाबी छ ।
‘कुल बिक्री २ अर्ब ३४ करोड १६ लाख ४२ हजारको ६ करोड २६ लाख ९४ हजार हुनु पर्नेमा १३ करोड ९ लाख ५९ हजार पु¥याइएको पाइयो,’ सीआईबीले प्रतिवेदनमा भनेको छ ।
माघ ५ गते पक्राउ परेका उनीहरूलाई थप दिनको म्याद लिएर हिरासतमा राखेर अनुसन्धान गरिरहेको प्रहरीले जनाएको छ । उनीहरु चितवनमा रहेको बिहादी बिजनेश म्यानेजमेन्ट कम्पनीमा कार्यरत रहेको पाइएको छ ।
- न्यून ‘भिजिबिलिटी’का कारण एक सातादेखि उडान प्रभावित
- परराष्ट्रमन्त्री डा राणा नयाँ दिल्लीमा, भारतीय विदेशमन्त्रीसँग भेटवार्ता हुने
- उच्छृङ्खल गतिविधि गरेको आरोपमा ५५ जना पक्राउ, २ सय ५३ सवारी नियन्त्रणमा
- ललितपुरको हरिसिद्धिमा नाचियो हरिसिद्धि नाच (तस्विरहरु)
- आकाशबाट हेर्दा बसन्तपुरको होली (तस्विरहरु)
- प्रेम र यौनको प्रतीकका रूपमा भक्तपुरमा होली पर्व
- होलीमा उत्शृङ्खल गतिविधिमा संलग्न १२ जना पक्राउ, ९४ थान सवारी साधन होल्ड
- होलीमा रङ्गिएको बसन्तपुर (तस्विरहरु)
