नेभिगेशन
सबै कुरा

पत्रकार महासंघले भन्यो 'सिधाकुराकर्मी साहलाई धम्की दिनेको पहिचान गरी कानुनी कारबाहीको प्रक्रिया थालियोस्'

काठमाडाैँ । सिधाकुराका पर्सा सम्वाददाता जियालाल साहलाई धम्की दिनेलाई कारबाही गर्न नेपाल पत्रकार महासंघले माग गरेको छ । शनिबार एक विज्ञप्ति जारी गर्दै महासंघले नेपाल पत्रकार महासंघ पर्सा शाखाका सदस्य एवं सिधाकुरा डटकमका पत्रकार जियालाल साहलाई लक्षित गर्दै सामाजिक सञ्जालमार्फत दिइएको धम्कीप्रति नेपाल पत्रकार महासंघको ध्यानाकर्षण भएको जनाएको छ ।

महासंघका महासचिव रामप्रसाद दाहालद्धारा जारी विज्ञप्तिमा समाचारको विषयलाई लिएर पत्रकार साहको फोटो नै राखेर केही व्यक्तिहरूले सामाजिक सञ्जालमा धम्कीपूर्ण र बदनाम गराउने स्ट्याटस लेखेको महासंघ प्रदेश समितिमार्फत जानकारी भएको उल्लेख छ । 'सामाजिक सञ्जालमा विचार अभिव्यक्त गर्नु र टीकाटिप्पणी हुनु व्यक्तिको अभिव्यक्ति स्वतन्त्रता हो । तर, अभिव्यक्ति स्वतन्त्रताको नाममा पत्रकारलाई असुरक्षित गराउने र चरित्रमा ठेस पुर्‍याउने क्रियाकलाप हुनु अत्यन्त निन्दनीय र सामाजिक अपराध हो,' महासचिव दाहालद्धारा जारी विज्ञप्तिमा भनिएको छ, 'महासंघ पत्रकारलाई हतोत्साहित र बदनाम बनाउने हर्कतमा संलग्न व्यक्तिको तत्काल पहिचान गरी आवश्यक कानुनी कारबाहीको प्रक्रिया अगाडि बढाएर पत्रकारलाई सुरक्षा र स्वतन्त्रताको प्रत्याभूति दिलाउन सम्बन्धित निकायसँग माग गर्दछ ।

Global Ime Bank

सिधाकुरा डटकममा पुस १८ गते साहले ‘आपराधिक पृष्ठभूमिका जयसवाल दाजुभाइलाई ओलीबाटै एमालेमा भव्य स्वागत, मधेशका एमालेमा त्रास’ शीर्षकको समाचार लेखेका थिए। सो समाचारलाई लिएर एमालेका कार्यकर्ताहरूले सम्वाददाता साहलाई फोन र सामाजिक सञ्जालमार्फत अभद्र व्यवहार गर्ने धम्की दिएका थिए।

सिधाकुरा सम्वाददाता साहको फोटो सामाजिक सञ्जालमा पोष्ट गर्दै एमाले कार्यकर्ताहरूले यस्तो चेतावनी दिएका हुन्। साहलाई दिएको धम्कीप्रति आपत्ति जनाउँदै पत्रकार महासंघ पर्सा जिल्ला समिति र मधेश प्रदेश समितिले पनि आपत्ति जनाउँदै दोषीलाई कारबाही गर्न माग गरेका छन् । 


प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप सबै कुरा
माधव नेपाललक्षित झाँक्रीको टिप्पणी, ‘अब मरेको सिनो काँधमा राखेर हिँड्न सकिन्न’

माधव नेपाललक्षित झाँक्रीको टिप्पणी, ‘अब मरेको सिनो काँधमा राखेर हिँड्न सकिन्न’

नेकपा एकीकृत समाजवादीकी नेतृ रामकुमारी झाँक्रीले पार्टी अध्यक्ष माधवकुमार नेपालप्रति लक्षित गर्दै दिएको अभिव्यक्तिले पार्टीभित्र तरङ्ग ल्याएको छ। लुम्बिनी प्रदेशस्तरीय युवा सङ्घको भेलालाई सम्बोधन गर्दै उनले अध्यक्षकै कारण...
धान दिवसको दिन राष्ट्रपति भवन शीतल निवासमा रोपाईँ

धान दिवसको दिन राष्ट्रपति भवन शीतल निवासमा रोपाईँ

आइतबार राष्ट्रपति कार्यालयद्धारा आयोजित रोपाइँ कार्यक्रममा राष्ट्रपति रामचन्द्र पौडेल, प्रथम महिला सबिता पौडेल सहभागी थिए ।
बुटवल–नारायणगढ सडक पूर्णरूपमा अवरुद्ध

बुटवल–नारायणगढ सडक पूर्णरूपमा अवरुद्ध

बुटवल–नारायणगढ सडक खण्डअन्तर्गत नवलपरासी (बर्दघाट सुस्तापूर्व)को दुम्कीवास क्षेत्रको वैकल्पिक मार्गमा पर्ने खोलामा बाढी आएपछि सडक पूर्णरूपमा अवरुद्ध भएको छ ।
प्रधानमन्त्री ओली मेड्रिडमा

प्रधानमन्त्री ओली मेड्रिडमा

विकासका लागि वित्तसम्बन्धी संयुक्त राष्ट्रसङ्घको चौथो अन्तरराष्ट्रिय सम्मेलनमा सहभागी हुने सिलसिलामा प्रधानमन्त्री केपी शर्मा ओली मेड्रिडमा पुगेका छन् ।