काठमाडाैँ । राष्ट्रिय स्वतन्त्र पार्टी (रास्वपा)ले प्रधानमन्त्री पुष्पकमल दाहाल प्रचण्डलाई विश्वासको मत दिने निर्णय गरेको छ ।
शुक्रबार सिंहदरबारमा बसेको पार्टीको संसदीय दलको बैठकले प्रधानमन्त्री प्रचण्डले नेपालको संविधान १०० को उपाधारा २ बमोजिम आफूमाथि संसद्मा विश्वास रहेको प्रस्ताव पेस गर्ने र रास्वपाले पक्षमा मतदान गर्ने निर्णय गरेको बैठकपछि प्रमुख सचेतक सन्तोष परियारले जानकारी दिए । उनले पार्टीका सांसदहरूलाई प्रधानमन्त्री प्रचण्डको पक्षमा मतदान गर्न ह्विप जारी गरेको पनि बताए ।
एमालेले कांग्रेससँग मिलेर नयाँ समीकरण बनाएसँगै प्रधानमन्त्री प्रचण्डले आज संसद्बाट विश्वासको मत लिँदै छन् ।
असार २८, २०८१ ११:३० मा प्रकाशित
