काठमाडाैँ । प्रधानमन्त्री केपी शर्मा ओलीले प्रतिनिधिसभामा दुई तिहाईको विश्वास प्राप्त गर्नुभएको छ । आइतबार प्रतिनिधिसभा बैठकमा प्रधानमन्त्री ओलीले दुई तिहाइ सांसदको समर्थन प्राप्त गरेका हुन् ।
प्रतिनिधिसभामा उपस्थित २६३ मध्ये १ सय ८८ सांसदले प्रधानमन्त्रीको विश्वासको मतको पक्षमा मत दिएका थिए भने विपक्षमा ७४ मत परेको छ ।
त्यस्तै नेमकिपाले तटस्थ मत दिएको थियो । सभामुख देवराज घिमिरेले प्रधानमन्त्रीले प्राप्त गरेको मत सदनको बहुमत भएकाले विश्वासको मतको प्रस्ताव पारित भएको घोषणा गरेका छन् ।
प्रधानमन्त्रीलाई कांग्रेस, एमालेका साथै जसपा नेपाल, जसपा , जनमत पार्टी, लोसपा लगायतका दलले साथ दिएका छन् । त्यस्तै माओवादी केन्द्र, राष्ट्रिय स्वतन्त्र पार्टी, नेकपा एकीकृत समाजवादीले बिपक्षमा मत दिएका हुन् । प्रधानमन्त्रीका रुपमा चौथो पटक विश्वासको मत पाएपछि सांसदहरुले उनलाई फुल माला र खादाले बधाई दिएका छन् ।
