सबै कुरा

नेपाल वायुसेवा निगमका पाइलट भावना पन्तमाथिको निलम्बन फुकुवा, क्याप्टेन लामाको यथावत

सिधाकुरा

मंगलबार, जेठ २९, २०८१

नेपाल वायुसेवा निगमका पाइलट भावना पन्तमाथिको निलम्बन फुकुवा, क्याप्टेन लामाको यथावत

काठमाडाैँ । नेपाल नागरिक उड्डयन प्राधिकरण (क्यान) ले नेपाल वायुसेवा निगमका विमान चालक भावना पन्तमाथि निलम्बन फुकुवा गरेको छ । पन्तले त्रिभुवन अन्तर्राष्ट्रिय विमानस्थलको निषेधित क्षेत्रमा निषेधिक काम गरेको उजुरीका आधारमा ‘एक्टिभ ड्युटी’बाट हटाएको भएको थियो । तर छानबिनका क्रममा पन्त दोषी नदेखिएपछि उडान निलम्बन फुकुवा गरिएको क्यानका प्रवक्ता हंसराज पाण्डेले जानकारी दिए ।

उनले भने, “पाइलट पन्तविरुद्ध निषेधित क्षेत्रमा निषेधित कार्य गरेको भन्ने उजुरी परेको थियो, छानबिन गर्दा गम्भीर र सुरक्षा असर नपर्ने देखिएकाले उहाँको उडान निलम्बन फुकुवा गरिएको हो ।” नेपाल वायुसेवा निगमको न्यारो बडी जहाज ‘ए३२०–२००’ का पाइलट पन्तलाई क्यानले यही जेठ २१ गते ‘एक्टिभ ड्युटी’ बाट हटाएको थियो ।

पाइलट पन्तविरुद्धको निलम्बन फुकुवा भएपनि प्राधिकरणले ‘एयरबस ३३०’ जहाज उडाउने क्याप्टेन विजय लामामाथि गरेको निलम्बनबारे कुनै जानकारी दिएको छैन । विमानस्थलमा उडान सुरक्षा सम्बन्धी कानुनी दायरा नाघेको भन्दै नेपाल उड्डयन प्राधिकरणले उनीहरुलाई गत जेठ २१ गते निलम्बन गरेको थियो ।

प्रकाशित मिति: मंगलबार, जेठ २९, २०८१

प्रतिक्रिया दिनुहोस्