कास्की । प्रहरी हिरासतमा रहेको राष्ट्रिय स्वतन्त्र पार्टीका सभापति रवि लामिछानेको स्वास्थ्यमा सुधार नभएको पाइएको छ ।
सहकारी प्रकरणमा पर्सामा बयान सकेर पोखरा फर्काएपछि कास्की प्रहरीले फिस्टेल अस्पतालमा गराएको स्वास्थ्य परिक्षणमा उनको स्वास्थय सुधार नभएको पाइएको हो ।
स्वास्थ्यकर्मीका अनुसार उनी अहिले पनि उच्च रक्तचापमा छन् । आज भएको स्वास्थ्य परिक्षणका क्रममा लामिछानेको सिस्टोलिक (माथि) १७० र डायस्टोलिक(तल) ११० रहेको पाईएको चिकित्सकले बताएका छन् ।
चिकित्सकहरुका अनुसार रक्तचापको यो अवस्थामा भने जोखिमपूर्ण अवस्था हो ।
मंसिर २६, २०८१ ०५:३६ मा प्रकाशित
