कालीकोट । कालीकोटमा आइतबार जिप दुर्घटना हुँदा ६ जनाको मृत्युभएको छ । जिल्ला प्रहरी कार्यालय कालीकोटका अनुसार जिल्लाको पलाँता गाउँपालिका–३ को राडुनेटामा क १ झ ५६ नम्बरको जिप दुर्घटना हुँदा १३ जना घाइते भएका छन् । पलाँता वडा नम्बर ३ बाट ९ तर्फ जाँदै गरेको जिपमा २० जना सवार रहेको भनिएपनि यकिन संख्या खुलेको छैन ।
घटनास्थलमा पुगेको प्रहरी निरिक्षक गोविन्द चौधरीका अनुसार जीप सडकबाट १ सय मिटर खसेको छ । घाइतेहरुको उद्धारका लागि सुर्खेतबाट हेलिकप्टर पुगेको छ । घाइते मध्ये ७ जनालाई हेलिकप्टर मार्फत सुर्खेत पठाइएको घटनास्थलमा पुगेको प्रहरी निरिक्षक गोविन्द चौधरीले जानकारी दिए ।
कार्तिक २५, २०८१ ०४:४२ मा प्रकाशित
