काठमाडाैँ । उपप्रधान तथा गृहमन्त्री रवि लामिछानेले सरकारमा रहेका भ्रष्टाचारका फाइल खोलेको २४ घण्टामा सरकार ढलेको बताएका छन् । शुक्रबार प्रतिनिधिसभा बेठकमा बोल्दै गृहमन्त्री लामिछानलेले आफूलाई भ्रष्टाचारको फाइल नखोलेको आरोप लगाउने तर फाइल खोलेको २४ घण्टामै सरकार ढालेको आरोप लगाएका छन् ।
‘यही सदनमा उभिएर एक माननीयज्यूले भन्नुभएको थियो, एउटा फाइल खोल्यो भने यो गर्छु, उ गर्छु भन्नुहुन्थ्यो, खै फाइल खोल्नुभएको भन्नुभएको थियो । फाइल खोलेको २४ घण्टामा सरकार ढाल्नुभयो, कसरी खोल्ने फाइल ? २४ घण्टामा ।’, गृहमन्त्री लामिछानेले भनेका छन्, ‘सदन के कारणले ढल्यो, हाम्रो सहमति यो भयो भनेर तपाईँहरुले ढाँट्नुभयो । यो देशको बच्चाबच्चालाई थाहा छ सरकार किन ढल्यो ।’
त्यस्तै उनले राष्ट्रिय सहमति भनेर नागरिकलाई नढाँट्न र राष्ट्रिय सहमति गर्नलाई रात कुर्नुनपर्ने बताएका छन् ।
