कैलालीमा १३ वर्षीया किशोरीमाथि सामूहिक बलात्कार, दुई जना पक्राउ
कैलाली । कैलालीमा कक्षा ४ मा पढ्ने १३ वर्षीया किशोरीमाथि सामूहिक बलात्कार भएको छ। बलात्कारमा संलग्न भएको आरोपमा प्रहरीले बर्दगोरिया गाउँपालिका–३ का ४४ वर्षीय गोपाल विक र १६ वर्षीय किशोरलाई पक्राउ गरेको जनाएको छ ।
प्रहरीका अनुसार किशोरीलाई शनिबार बेलुकी पसलमा बोलाएर विक र अर्का किशोरले ललाइफकाइ कोठामा लगेर जबरजस्ती करणी गरेका आरोप छ । आफूलाई जबर्जस्ती करणी गरिएको भन्दै पीडित किशोरीले प्रहरीमा जाहेरी दिएपछि प्रहरीले उनीहरुलाई पक्राउ गरेको हो।
जिल्ला प्रहरी कार्यालय कैलालीका डीएसपी कबिन्द्रसिंह बोहराका आइतबार नै दुवै आरोपितलाई नियन्त्रणमा लिएर अनुसन्धान भइरहको छ।
यस्तै धनगढीमै अर्की १४ वर्षीया किशोरीमाथि पनि बलात्कार भएको प्रहरीले जनाएको छ । जिल्ला प्रहरी कार्यालय, कैलालीका अनुसार स्कुलबाट फर्किरहेकी किशोरीलाई चक्कु देखाएर १८ वर्षीय किशोरले बलात्कार गरेको उजुरी परेको छ। आरोपित भने अहिलेसम्म पक्राउ पर्न नसकेको प्रहरीले जनाएको छ ।
- न्यून ‘भिजिबिलिटी’का कारण एक सातादेखि उडान प्रभावित
- परराष्ट्रमन्त्री डा राणा नयाँ दिल्लीमा, भारतीय विदेशमन्त्रीसँग भेटवार्ता हुने
- उच्छृङ्खल गतिविधि गरेको आरोपमा ५५ जना पक्राउ, २ सय ५३ सवारी नियन्त्रणमा
- ललितपुरको हरिसिद्धिमा नाचियो हरिसिद्धि नाच (तस्विरहरु)
- आकाशबाट हेर्दा बसन्तपुरको होली (तस्विरहरु)
- प्रेम र यौनको प्रतीकका रूपमा भक्तपुरमा होली पर्व
- होलीमा उत्शृङ्खल गतिविधिमा संलग्न १२ जना पक्राउ, ९४ थान सवारी साधन होल्ड
- होलीमा रङ्गिएको बसन्तपुर (तस्विरहरु)
