काठमाडौँ । राष्ट्रिय स्वतन्त्र पार्टीका निलम्बित महामन्त्री डा. मुकुल ढकालले तयार पारेको पार्टीको समीक्षा प्रतिवेदनमा रास्वपाले इलाममा भएको उपनिर्वाचनमा हार व्यहोर्नुको कारण खुलाएका छन् । उक्त प्रतिवेदनमा ढकाल आफू १ महिने समीक्षा यात्राका क्रममा इलाममा पुगेको र आफूहरुले चुनाव हार्नुको कारणबारे छलफल गरेको बताएका छन् ।
प्रतिवेदनको १६, १७ र १८ औँ पृष्ठमा ढकालले आफूहरुले देशभरी इलामको विषयमा छलफल गरेको र इलामका विभिन्न क्षेत्रमा समेत यसबारे छलफल गर्दा विभिन्न ११ कारणले चुनाव हारेको निष्कर्श निकालेका छन् ।
महामन्त्री ढकालले इलाम उपनिर्वाचनलाई लिएर निकालेका ११ निष्कर्श यस्ता छन् ।
१. उपचुनाव हुने थाहा हुने बित्तिकै तयारी नगरिनु
२. मंङ्सिरभन्दा कति मत धेरै आयो, निर्धाारण गर्न जरुरी
३. उम्मेदवार छनोट चित्त नबुझ्नु
४. इलाम क्षेत्र नं १ का पार्टी सदस्यलाई चासो नदिइनु
५. स्थानीयभन्दा बाहिरबाट गएर बढी चुनावी प्रचारप्रसारमा सहभागी हुनु
६. सहकारीको भ्रम चिर्न नसक्नु
७. साम्प्रादायिक टिप्पणी भाइरल हुनु
८. संगठनको कमी हुनु
९. उपनिर्वाचनताका सरकारबाट केही फाइल खोल्न नसक्नु
१०. इलामका मुद्दा चुनावी प्रचारप्रसारमा प्राथमिकतामा नपर्नु
११. अनावश्यक शक्ति प्रदर्शन गरिनु
ढकालले विभिन्न ३८ जिल्ला पुगेर ३ हजार बढीसँग छलफल गरेर उक्त प्रतिवेदन बनाएका थिए । असार १२ गते उनले सभापति रवि लामिछानेलाई उक्त प्रतिवेदन अध्ययन गरी सार्वजनिक गर्न माग गर्दै बुझाएका थिए ।
त्यसपछि पार्टीले बुधबार केन्द्रीय समिति बैठक बोलाएको थियो । ढकालले उक्त बैठक लाइभ गर्नुपर्ने माग राखेका थिए । तर बैठक लाइभ गर्ने प्रस्ताव अस्वीकृत भएको थियो । उनले सोही प्रतिवेदनमा आधारित भएर अर्को प्रस्ताव राखेका थिए । उक्त प्रस्ताव सभापतिले प्रस्तुत गर्न नदिएको उनको आरोप छ । पछि उनी मुखमा पट्टी बाँधेर बैठकमा बसेका थिए । त्यसपछि सहमहामन्त्रीले उक्त प्रतिवेदन प्रस्तुत गरेका थिए ।
दिनभर चलेको बैठक नसकिदै ढकाल साँझ पार्टी कार्यालयबाट निस्कदै उनले आफूमाथि ह्यारेमेन्ट भएको प्रतिक्रिया दिएका थिए । त्यसपछि मध्यराति डा. ढकालको शैली ठिक नभएको भन्दै ७ दिनका लागि निलम्बन गर्ने पार्टीले निर्णय गरेको थियो । अहिले ढकालले आफूले बनाएको प्रतिवेदन सार्वजनिक गरिदिएका हुन् ।
-
Birendra Mahara 5 months agoRight
-
Upendra nyaupane 5 months agoMukul dhakal kasai bata parichalit ho yeyo paisa ma bikisako
-
प्रेमदोर्ची शेर्पा 5 months agoढकाललाई राम्रै सङ्ग सल्यक्रिया गर्नुपर्ने रहेछ पार्टिक महामन्त्री हैन महाभाइरस रहेछ।त्यसैले रास्वापाले सोच्ने बेला आएको छ । ७ दिन मात्रै निलम्बन हैन सधैको लागि निलम्बन गर्नुपर्ने देखियो ढकाललाई
-
shambhu Chaudhary 5 months agoस्वाठ महामन्त्री। घरमा स्वास्नी सुतेको बेला आफै live गरेर बस्नु,सुत्नु। घरमा सल्लाह नगरिकन आफ्नो घरको कुरा बाहिरको बटुवा लाई भन्दै/सुनाउँदै बस्नु। ढकाल साईड लाग।
