काठमाडाैँ : महानायक राजेश हमालको अभिनय भएको म्युजिक भिडियो ‘रातो टिकी’ सार्वजनिक भएको एक हप्तामै ७ लाख धेरैले हेरेका छन् ।
सुरेश अधिकारीको शब्द, संगीत रहेको गायक कृष्ण विकको नयाँ गीत ‘रातो टिकी’ मा कृष्ण, मेलिना राई र रेखा जोशीको आवाज रहेको छ।
उक्त गीतको अभिनयमा महानायक राजेश हमालसँगै दिलिप रायमाझी, केकी अधिकारी, निता ढुंगाना र घनश्याम जोशी रहेका छन् ।
एकल महिलाको चाहनाको पक्षलाई उठान गरेको उक्त म्युजिक भिडियोको जीबी आग्रीद्वारा निर्देशन र भिडियोको कोरियोग्राफी कविराज गहतराजले गरेका हुन्।
गोपाल रायले खिचेको भिडियोलाई विपिन मल्लले सम्पादन गरेका छन् । मनोज श्रेष्ठको भीएफएक्स रहेको भिडियोको कलर करेक्सन रेनिश फागोले गरेका छन् ।
गत अक्टोबर ३ मा सार्वजनिक भएको १२ मिनेटको उक्त म्युजिक भिडियोमा हालसम्म १७ सय बढी कमेन्ट र ३२ हजार बढी लाइक आइसकेको छ ।
