सांसदहरुको प्राथमिकतामा उडिसा प्रकरणः नेपाली विद्यार्थीको सुुरक्षा बलियो बनाउन माग
काठमाडौँ । सांसदहरुले भारतमा अध्ययनरत छात्रा प्रकृति लम्सालको शङ्कास्पद मृत्युको घटनाका सम्बन्धमा कूटनीतिक संवादका माध्यमबाट छानविन गर्न सरकारको ध्यानाकर्षण गराएका छन् ।
मंगलबार बसेको प्रतिनिधिसभा बैठकको आकस्मिक समयमा उनीहरुले उच्चस्तरीय कूटनीतिक संवादका माध्यमबाट उक्त घटनाको छानविन गर्न र नेपाली विद्यार्थीको सुुरक्षा बलियो बनाउन सरकारको ध्यानाकर्षण गराएका हुन् ।
सांसद छविलाल विश्वकर्माले प्रकृति लम्सालको शङ्कास्पद मृत्यु भएको भन्दै सत्यतथ्य छानविनका लागि सरकारले पहल गर्नुपर्ने बताए ।
त्यस्तै सांसद माधव सापकोटाले उक्त घटनामा सम्बन्धमा कूटनीतिक संवादका माध्यमबाट बुझ्न र समस्या समाधान गर्न सरकारले ढिलाई गरेको भन्दै तत्काल उच्चस्तरीय कूटनीतिक संवाद सुरु गर्न माग गरे ।
त्यस्तै सांसद ठाकुर गैरेले विद्यार्थीमाथि गरिएको दुव्र्यवहार शह्य नहुने भन्दै घटनाको सत्यतथ्य छानबिन गरी मृतक छात्रालाई उचित न्याय प्रदान सरकारले पहल गर्नुपर्ने धारणा राखे । नेपाली विद्यार्थीका साथै नेपालविरुद्ध प्रयोग भएका शब्द लज्जास्पद देखिएको भन्दै उनले खेद व्यक्त गरे ।
त्यस्तै रास्वपा सांसद मनिष झाले भारतको उडिसास्थित कलिङ्गा इन्स्टिच्युट अफ इन्डस्ट्रियल टेक्नोलोजी ९केआइआइटी० को चौकीदारले समेत नेपाल र नेपालीको अपमान हुनेगरी विद्यार्थीलाई पिट्ने र अभिव्यक्ति दिने गरेको भन्दै विकसित परिस्थिति समाधान गर्न सरकारले कुटनीतिक पहल नगरेको आरोप लगाए ।
त्यस्तै बैठकको शुन्य समयमा पनि सांसदहरुले घटनाको सत्यतथ्य छानबिन गरी मृतक छात्रालाई उचित न्याय दिन सरकार गम्भीर हुनुपर्ने धारणा राखेका छन् ।
- आज पनि प्रतिनिधि सभाको बैठक बस्दै, यस्तो छ कार्यसूचि
- मुस्ताङको एक्लेभट्टी गाउँ र आसपासको क्षेत्र
- चुरे समितिमा दस वर्षमा झण्डै रु १५ अर्ब खर्च, उपलब्धि कति ?
- युक्रेन र अमेरिकाबीच समझदारी: ३० दिने अस्थायी युद्धविरामको सहमति
- आजको विनिमयदरः अमेरिकी डलर १ को १३९.८५ रुपैयाँ पुग्दा जापानी येन १० को ९.४३ रुपैयाँ
- आजको मौसमः अधिकांश भागमा सफा रहने, कोशी र गण्डकीमा चट्याङसहित वर्षा हुने सम्भावना
- माथिल्लो अरुण र अरुण चौथो परियोजनाको छलफलमा कुलमानलाई बाइपास
- आफू विरुद्धको असन्तुष्टिमा भारतलाई जोड्दै एमाले
