सर्लाही । ‘लिटिल बुद्ध’ भनिने रामबहादुर बम्जन बालयौन दुराचार मुद्दामा दोषी ठहरिएका छन् । जिल्ला अदालत सर्लाहीका न्यायाधीश जीवनकुमार भण्डारीको एकल इजलासले बम्जनलाई दोषी ठहर गरेको हो ।
अदालतले बम्जनलाई दोषी ठहर गरेपनि उनलाई सजाय भने तोकिएको छैन । उनीविरुद्ध सजाय तोक्न अदालतले असार १७ गतेको पेशी तोकिएकाे अदालतका स्रेस्तेदार सदन अधिकारीले जानकारी दिए ।
२०७५ भदौमा रौटहटकी एक किशोरीले आफूमाथि बम्जनले बलात्कार गरेको पत्रकार सम्मेलन मार्फत सार्वजनिक गरेकी थिइन् । त्यस्तै २०७६ असारमा उनले उनले जिल्ला प्रहरी कार्यालय, सर्लाहीमा उजुरी दिएकी थिइन् । त्यसपछि बम्जनको खोजी सुरु भएको थियो ।
ति किशाेरीकाे आरोपको तीन वर्षपछि सर्लाही प्रहरीमा पीडितका परिवारले किटानी जाहेरी पनि दिएका थिए । उजुरी र जाहेरीपश्चात प्रहरीको फरार सूचीमा रहेका बम्जनलाई सीआईबीले गत पुस २४ गते काठमाडौँको बूढानिलकण्ठबाट पक्राउ गरेको थियो ।
