रौतहट । रौतहटमा गएराति गढिमाई मेलाबाट सिराहा फर्कदै गरेका यात्रु सवार स्कार्पिओ दुर्घटना हुँदा आठ जनाको मृत्यु भएको छ । पूर्वपश्चिम राजमार्गमा अन्तरगत चन्द्रपुर नगरपालिका ४ स्थित धन्सार–लमाहा सडक खण्डमा बा १६ च ३१६२ नम्बरको स्कर्पियो दुर्घटनामा परेको हो।
जिल्ला प्रहरी कार्यालय रौतहटका अनुसार स्कार्पियोमा बाराको गढिमाई मेलाबाट सिराहा फर्कदै गरेका यात्रु सवार थिए ।
प्रहरीका अनुसार दुर्घटनामा चालकसहित ८ जनाको मृत्यु भएको छ भने ४ जना घाइते भएका छन् । घटनास्थल हेर्दा तिव्र गतिमा आएको स्कर्पियो अनियन्त्रित्रत हुँदै सडकबाट खसेर रुखमा ठोक्किएको डीएसपी राजकुमार राईले जानकारी दिए ।
मंसिर २५, २०८१ ०९:०४ मा प्रकाशित
