काठमाडौं । आइतबार सुनको मूल्यमा एकै दिन ठूलो गिरावट आएको छ । नेपाल सुन चाँदी व्यवसायी महासंघका अनुसार आइतबार सुनको मूल्य तोलामै ४ हजार रुपैयाँले घटेको छ।
शुक्रबार प्रतितोला एक लाख ४५ हजार रुपैयाँमा कारोबार भएको छापावाल सुनको मूल्य आजका लागि एक लाख ४१ हजार रुपैयाँ तोकिएको छ ।
यस्तै, तेजाबी सुनको मूल्य एक लाख ४० हजार ३ सय रुपैयाँमा झरेको छ । शुक्रबार एक लाख ४४ हजार ३ सय रुपैयाँमा तेजाबी सुनको कारोबार भएको थियो ।
आज, सेतो धातु चाँदीको मूल्य पनि तोलामा ७५ रुपैयाँले घटेको छ । आजका लागि चाँदीको मूल्य १ हजार ८२५ रुपैयाँ तोकिएको छ । शुक्रबार एक हजार ९ सय रुपैयाँमा चाँदीको खरिद बिक्री भएको थियो ।
जेष्ठ २७, २०८१ १०:५५ मा प्रकाशित
