काठमाडाैँ । प्रतिनिधिसभामा विश्वासको मत गुमाएसँगै पदमुक्त भएका प्रधानमन्त्री प्रचण्ड राष्ट्रपति भेट्न शीतलनिवासमा पुगेका छन् । प्रतिनिधिसभाको यो कार्यकालमा ४ पटकसम्म विश्वासको मत पाएका प्रचण्ड पाँचौ पटकमा विश्वासको मत गुमाएसँगै उनी राष्ट्रपति रामचन्द्र पौडेल भेट्न शीतलनिवास पुगेका हुन् ।
भेटमा उनले आफूले प्रतिनिधिसभामा राखेको विश्वासको प्रस्तावसम्बन्धी मतदानको परिणाम राष्ट्रपतिलाई सुनाएको र नयाँ सरकार गठनका लागि आह्वान गर्न आग्रह गरेको बताइएको छ ।
प्रधानमन्त्री दाहालले आजको बैठमा राखेको विश्वासको मत सम्बन्धी प्रस्तावमा पक्षमा ६३ , विपक्षमा १९४ र मत दिन्न भन्ने प्रस्तावमा एक मत खसेको थियो । विश्वासको मत गुमाएसँगै प्रधानमन्त्रीबाट प्रचण्ड बाहिरिएिका छन् ।
एमालेले सरकारलाई दिएको समर्थन फिर्ता लिएपछि प्रधानमन्त्री प्रचण्डले प्रतिनिधिसभाको आजको बैठकमा संविधानको धारा १०० (२) मा रहेको व्यवस्थाअनुसार विश्वासको मतसम्बन्धी प्रस्ताव राखेका थिए।
