हेटौँडा । केन्द्रमा नेकपा एमाले र नेपाली कांग्रेसको समीकरण बन्ने सहमतीसँगै बागमती प्रदेश सरकारबाट एमाले बाहिरिएको छ । सोमबार प्रदेश सरकारमा सहभागी एमालेका मन्त्रीहरुले मुख्यमन्त्री शालिकराम जम्कट्टेललाई राजीनामा बुझाएसँगै बागमती सरकार अल्पमतमा परेको छ ।
एमालेबाट सरकारमा आर्थिक मामिला मन्त्रीमा जगन्नाथ थपलिया, उद्योग, वाणिज्य भूमि तथा प्रशासन मन्त्रालयमा प्रकाश श्रेष्ठ, वन तथा वातावरणमा मन्त्रालयमा केशव पोखरेल, स्वास्थ्य मन्त्रालयमा रामेश्वर श्रेष्ठ र जलश्रोत, ऊर्जा तथा खानेपानी मन्त्रालयमा एकालाल श्रेष्ठ गरी पाँच जना मन्त्रीले राजीनामा बुझाएका हुन् ।
असार २४, २०८१ ११:३० मा प्रकाशित
