काठमाडौँ । शिक्षा, विज्ञान तथा प्रविधि मन्त्री सुमना श्रेष्ठले सार्वजनिक गरेको सम्पत्ति विवरण अनुसार उनको काभ्रेमा ८ आना ६ पैसा ३० जग्गा रहेको छ । उनले उक्त जग्गा आफ्नो पारिश्रमिकबाट खरिद गरेको उल्लेख छ ।
उनीसँग ११ तोला सुन रहेको र उक्त सुन उनले विवाहमा उपहार पाएको उल्लेख छ । त्यस्तै उनीसँग हिराको हार एक सेट, हिराको टप एक सेट र चाँदी सय तोला रहेको छ ।
उनले हिराको हार र चाँदी विवाहमा उपहार पाएको र हिराको टप भने हजुरआमाले उपहार दिएको उल्लेख गरिएको छ । उनीसँग १ करोड ५२ लाख रुपैयाँ नगद रहेको छ । उक्त रकम उनले पारिश्रमिक प्राप्त गरेकी हुन् ।
त्यस्तै उनीसँग ३ कमपनीको शेयर रहेको छ भने बाबुले दिएको नबिल बौंकको ७४९ कित्ता सेयर छ । उनीसँग १ लाख ८५ हजार मूल्य बराबरको स्कुटर र कम्पनीको नाममा रहेको २० लाख रुपैयाँ मूल्य बराबरको इभी गाडी छ ।
शिक्षामन्त्री सुमना श्रेष्ठको सम्पत्ति : काभ्रेमा जग्गा
११ तोला सुन
सय तोला चाँदी तथा डेढ करोड बढी बैंक ब्यालेन्स
जेष्ठ ८, २०८१ ०४:२७ मा प्रकाशित
