काठमाडौँ । देशका अधिकांस स्थानमा इन्टरनेट सेवामा समस्या आएको छ । नेपालका इन्टरनेट सेवा प्रदायकहरुले भारतको एयरटेललाई रकम बुझाउन नपाउँदा ब्याण्डविथ काटिदिएको इनटरनेट सेवा प्रादायक कम्पनीहरुले बताएका छन् ।
इन्टरनेट सेवा प्रदायक संस्थाहरू नेपाल सरकारलाई बुझाउनुपर्ने रोयल्टी र ग्रामीण दूरसञ्चार कोष शुल्क वापतको रकम विगत १० वर्षदेखि बुझाएका छैनन् । सञ्चार मन्त्रालयले सो रकम भुक्तानीका लागि तोकता गरेपनि उनीहरुले नबुझाएपछि मन्त्रालयले विदेशी मुद्रा सटही सुविधामा रोक लगाएको छ । सोही कारण इन्टरनेट सेवा प्रदायक कम्पनीहरुले भारतीय कम्पनी एयरटेललाई ब्यान्डविथबापतको रकम भुक्तानी गर्न सकेका छैनन् । सोही कारण एयरटेलले इन्टरनेट सेवा काटिदिएको हो ।
एयरटेलले भुक्तानी नहुँदा जुनसुकै बेला इन्टरनेट सेवा काटिन सक्ने चेतावनी दिदै आएको थियो ।
वैशाख २०, २०८१ ०६:१४ मा प्रकाशित
