१० असोज, हान्झाउ (चीन) । टी २० अन्तर्राष्ट्रिय क्रिकेटको एकै खेलमा नेपालका कुशल मल्ल र्कीर्तिमानी बनाएका छन् ।
चीनमा जारी १९औं एसियाड अन्तर्गत पुरुष क्रिकेटमा मल्लले टी–२० आईमा विश्व कीर्तिमानी शतक प्रहार गरेका छन् । हान्झाउस्थित जेजियाङ युनिभर्सिटी अफ टेक्नोलोजी फिनफेङ क्रिकेट फिल्डमा नेपालका लागि कुशलले अविजित रहँदै सर्वाधिक १३७ रन बनाए ।
उनले ५० बल खेल्दै ८ चौका र १२ छक्का प्रहार गरेका थिए । कुशलले ३४ बलमै शतक पूरा गर्दै डेविड मिलर, रोहित शर्मा र सुदेश विक्रमाशेखरको ३५ बलको कीर्तिमान तोडेका छन् ।
आश्विन १०, २०८० ०१:०५ मा प्रकाशित
