काठमाडौँ । त्रिभुवन विश्व विद्यालयका दुई पूर्व उपकुलपति र अख्तियारका तत्कालिन प्रमुख लोकमान कार्कीसमेत ७ जनालाई भष्टाचार कसुरमा कारबाही गर्न शिक्षा मन्त्रालयलले सिफारिस गरेको छ ।
चिकात्सा शिक्षामा भएको अनियमितता सम्बन्धि छानबिन गर्न गठित उच्चस्तरीय जाँचबुझ आयोगको प्रतिवेदन सार्वजनिक गर्दै शिक्षा मन्त्रालयले बुधबार यस्तो निर्णय गरेको हो । ६ वर्ष अघि तत्कालिन न्यायाधिश गौरीबहादुर कार्की नेतृत्वको छानबिन समितिले तयार गरेको प्रतिवेदन यस अघिको सरकारले लुकाएको थियो ।
बुधबार प्रतिवेदन सार्वजनिक गर्दै शिक्षामन्त्री श्रेष्ठले प्रतिवेदनले तोकेअनुसारको कारबाहीका लागि ततका निकायमा लेखि पठाउने निर्णय गरेको हो ।
जसअनुसार मन्त्रालय मातहत गर्न सकिने कारबाही मन्त्रालयले गर्ने र बाँकी अन्य क्षेत्रका हकमा मन्त्रालये कारबाहीका लागि तत्कालै सिफारिस गर्ने मन्त्रालयले जनाएको छ । जसअनुसार त्रिभुवन विश्वविद्यालयका पूर्व उपकूलपतिहरु तीर्थराज खनियाँ, हिराबहादुर महर्जन, विश्वविद्यालयका रेक्टर सुधा त्रिपाठी, रजिष्ट्रार डिल्ली उप्रेती, विश्वविद्यालयका कानूनी सल्लाहकार नारायण खनाल, अख्तियार दूरुपयोग अनुसन्धान आयोग पूर्वप्रमुख आयुक्त लोकमानसिंह कार्की र मेडिकल काउन्सिलका पूर्व रजिष्ट्रार डा निलमणि उपाध्याय छन् ।
