नेभिगेशन
सबै कुरा

नाबालिकालाई घरेलु कामदार बनाउने एमाले सांसद रेखा शर्माविरुद्ध मुद्दा नचलाउने जिल्ला र उच्च सरकारी वकिलको निर्णय

काठमाडौँ । नाबालिकालाई घरेलु कामदार बनाई बालबालिकाविरुद्धको कसुर गरेको आरोप लागेकी लुम्बिनी प्रदेश सांसद रेखा शर्मा विरुद्ध सरकारी मुद्दा नचलाउने निर्णय भएको छ । 

जिल्ला सरकारी वकिलको कार्यालय काठमाडौँले २०८१ माघ १ गते सांसद रेखा शर्माविरुद्ध दास बनाउन नहुने सम्बन्धी कसुरमा मुद्दा नचलाउने निर्णय गरेको हो । जिल्ला न्यायाधिवक्ता सन्तोषराज कटुवालले सांसद शर्माविरुद्ध मुद्दा नचल्ने निर्णय गरेका थिए । त्यस्तै न्यायाधिवक्ता कटुवालले सो निर्णय माघ २० गतेनै उच्च सरकारी वकिलको कार्यालय पाटन पठाएका थिए । 

Global Ime Bank

उच्च सरकारी वकिलको कार्यालय पाटन स्रोतका अनुसार जिल्ला सरकारी वकिलको कार्यालय काठमाडौँले गरेको मुद्दा नचल्ने निर्णयको सदर गर्दै महान्यायाधिवक्ताको कार्यालय पठाइसकेको छ । 

सांसदकी घरकी बालश्रमिकको बयान ‘सांसदले पाइपको लट्ठीले कुट्थिन्’

महान्यायाधिवक्ताको कार्यालयका प्रवक्ता सहन्यायाधिवक्ता सूर्यराज दाहालले पनि जिल्ला सरकारी वकिलको कार्यालय काठमाडौँ र पाटन उच्च सरकारी वकिलको कार्यालयले सांसद शर्माविरुद्ध मुद्दा नचलाउने निर्णय गरेको पुष्टि गरे । 

उनका अनुसार अबको केहि दिनमा नै महान्यायाधिवक्ता कार्यालयले पनि आफ्नो निर्णय गर्नेछ । उनका अनुसार जिल्ला र उच्च सरकारी वकिलको कार्यालयबाट आएको निर्णय सदर भए मुद्दा नचलाउनका लागि मातहतका कार्यालयलाई निर्णय निकासा हुनेछ । त्यस्तै महान्यायाधिवक्ताको कार्यालयले दुवै तहका सरकारी वकिल कार्यालयको निर्णयलाई बदर गर्दै मुद्दा चलाउन निर्देशन समेत दिन सक्ने छ । 

महान्यायाधिवक्ता कार्यालय स्रोतका अनुसार जिल्ला र उच्च सरकारी वकिलको कार्यालयमा रेखा शर्मा विरुद्ध मुद्दा नचल्ने निर्णय गराउन महान्यायाधिवक्ता कार्यालयबाटै दबाब परेकाले अब तल्ला कार्यालयको निर्णय उल्टी हुने सम्भावना कम रहेको छ । 

लुुम्बिनी प्रदेश सभामा दाङबाट निर्वाचित सांसद शर्माले १४ वर्षीया बालिकालाई ८ वर्षदेखि घरेलु कामदारका रुपमा राख्दै आएकी थिइन् । 

परिवारलाई पढाइदिने भन्दै काठमाडौँ ल्याएकी शर्माले बालिकालाई विद्यालयमा भर्ना गरेपनि घरेलु काममा लगाउने, पाइप रडले कुट्ने लगायतका यातना दिने गरेको भन्दै बालिकाले नै काठमाडौँ महानगरको टोलीसँग गुनासो गरेकी थिइन् ।

बाल श्रम शोषण कसुरमा एमाले सांसदविरुद्ध अनुसन्धान गर्न प्रहरीको आनाकानी !

गुनासोपश्चात महानगरको टोलीले सांसद शर्माको बालुवाटरस्थित घरबाटै बालिकाको उद्धार गरेको थियो । बालिकालाई सेफ हाउसमा राखि सांसद शर्माबाट बालिकामाथि श्रम शोषण तथा दूव्र्यवहार भएको भन्दै जेठ ३० गते जिल्ला प्रहरी परिसर काठमाडौँमा जाहेरी परेको थियो । 

प्रहरीमा जाहेरी परेपछि निषेधाज्ञाको माग गर्दै पाटन उच्च अदालत पुगेकी सांसद शर्माको,  माग दाबी नपुग्ने भन्दै साउन २३ गते रिट खारेज भएको थियो । 

त्यसपछि उनलाई पक्राउ गरि अनुसन्धान गर्ने बाटो खुलेपनि प्रहरीले पक्राउ गर्न सकेको थिएन ।


प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप सबै कुरा
पूर्वराष्ट्रपति विद्यादेवी भण्डारीले त्यागिन् सुरक्षाकर्मी बाहेकका सबै सरकारी सेवा सुविधा

पूर्वराष्ट्रपति विद्यादेवी भण्डारीले त्यागिन् सुरक्षाकर्मी बाहेकका सबै सरकारी सेवा सुविधा

पूर्वराष्ट्रपति विद्यादेवी भण्डारीले पूर्वराष्ट्र प्रमुखको हैसियतमा प्राप्त सुरक्षाकर्मी बाहेकका राज्यका सबै सेवा सुविधा आजैको मितिबाट त्याग्ने निर्णय गरेकी छन्। नेकपा एमालेको राजनीतिमा पुनः सक्रिय हुने औपचारिक घोषणापछि उनले...
२०३५ सम्म २८ हजार ५०० मेगावाट विद्युत् उत्पादन गर्ने लक्ष्य छः उर्जामन्त्री

२०३५ सम्म २८ हजार ५०० मेगावाट विद्युत् उत्पादन गर्ने लक्ष्य छः उर्जामन्त्री

ऊर्जा, जलस्रोत तथा सिँचाइमन्त्री दीपक खड्काले सन् २०३५ सम्म २८ हजार ५०० मेगावाट विद्युत् उत्पादन गर्ने लक्ष्यका साथ सरकार अघि बढेको बताएका छन् ।
रामहरि खतिवडालाई सांसद थानीको प्रश्न, सचिव र तपाईँबाहेक कोर टिममा को को थिए ?

रामहरि खतिवडालाई सांसद थानीको प्रश्न, सचिव र तपाईँबाहेक कोर टिममा को को थिए ?

संघीय निजामती सेवा विधेयकमाथि भएको विवादबारे नेपाली कांग्रेसका सांसद हृदयराम थानीले आपत्ति जनाएका छन्।
निजामती विधेयकमाथि चलखेल गर्नेलाई कारबाही हुनैपर्छः उपप्रधानमन्त्री सिंह

निजामती विधेयकमाथि चलखेल गर्नेलाई कारबाही हुनैपर्छः उपप्रधानमन्त्री सिंह

कार्यवाहक प्रधानमन्त्री एवम् सहरी विकास मन्त्री प्रकाशमान सिंहले निजामती विधेयकमा चलखेल गर्नेलाई कारबाही हुनुपर्ने बताएका छन् ।

भर्खरै