बारामा ९ किलो गाँजासहित २ महिला र १ पुरुष पक्राउ
बारा । बारा प्रहरीले ९ किलो २०० ग्राम लागूऔषध गाँजासहित तीनजनालाई पक्राउ गरेको छ । पक्राउ पर्नेमा प्रसौनी गाउँपालिका–२ की ५५ वर्षीया गम्भा देवी मुखिया, उनका छोरा ३८ वर्षीय जोगेन्द्र मुखिया र बिन्दाबासिनी गाउँपालिका–२ कै ६० वर्षीया ममता देवी मुखिया रहेका छन् ।
विशेष सूचनाका आधारमा इलाका प्रहरी कार्यालय प्रसौनी बाराबाट खटिएको प्रहरी टोलीले प्रसौनी–२ बजार क्षेत्रबाट भलुवहीतर्फ पैदल जाँदै गरेका उनीहरूलाई जाँच गर्दा लागूऔषध गाँजा बरामद भएको बारा प्रहरी प्रवक्ता प्रकाश सापकोटाले जानकारी दिए ।
पक्राउ परेका गम्भा देवी मुखियाको साथबाट ३ किलो १४१ ग्राम, जोगेन्द्र मुखियाको साथबाट २ किलो ६४० ग्राम र ममता देवी मुखियाको साथबाट २ किलो ६५९ ग्राम तथा झोलाबाट थप ७९८ ग्राम गरी जम्मा ९ किलो २०० ग्राम लागूऔषध गाँजा बरामद गरिएको हो ।
पक्राउ परेकाहरूमाथि लागूऔषध मुद्दा दर्ता गरी आवश्यक अनुसन्धान भइरहेको प्रहरीले जनाएको छ ।
- यी हुन् कालो सूचिमा परेको ९ वटा कम्पनी
- आज पनि प्रतिनिधि सभाको बैठक बस्दै, यस्तो छ कार्यसूचि
- मुस्ताङको एक्लेभट्टी गाउँ र आसपासको क्षेत्र
- चुरे समितिमा दस वर्षमा झण्डै रु १५ अर्ब खर्च, उपलब्धि कति ?
- युक्रेन र अमेरिकाबीच समझदारी: ३० दिने अस्थायी युद्धविरामको सहमति
- आजको विनिमयदरः अमेरिकी डलर १ को १३९.८५ रुपैयाँ पुग्दा जापानी येन १० को ९.४३ रुपैयाँ
- आजको मौसमः अधिकांश भागमा सफा रहने, कोशी र गण्डकीमा चट्याङसहित वर्षा हुने सम्भावना
- माथिल्लो अरुण र अरुण चौथो परियोजनाको छलफलमा कुलमानलाई बाइपास
