सबै कुरा

पाथीभरामा जबरजस्ती केबलकार बनाउन खोजेपछि प्रहरी र स्थानीयबिच झडपः १२ जना घाइते

सिधाकुरा

बिहीबार, फागुन ८, २०८१

पाथीभरामा जबरजस्ती केबलकार बनाउन खोजेपछि प्रहरी र स्थानीयबिच झडपः १२ जना घाइते

पाथीभरा । पाथीभरा क्षेत्रमा नो केबलबार समूह र प्रहरीबिच झडप भएको छ । मुकुम्लुङ क्षेत्रमा सहमतिबिना केबलबार बनाउन लागेको भन्दै आन्दोलनमा उत्रिएका स्थानीय र प्रहरीबिच झडप भएको हो । झडपमा परि १२ जना घाइते भएका छन् ।

प्रहरी र प्रशासनको सहयोगमै सो क्षेत्रमा जबरजस्ती केबलकार निर्माण गरिएको भन्दै बिहिबार स्थानीय प्रदर्शनमा उत्रिएका थिए । प्रदर्शनरत नागरिकलाई प्रहरीले हटाउन खोजेपछि अवस्था तनावग्रस्त बनेको हो । प्रहरीले बल प्रयोग गरेपछि प्रतिरोधमा उत्रिएका स्थानीय र प्रहरीबिच झडपको स्थित सिर्जना भएको थियो । दोहोरो झडप हुँदा ११ जना सुरक्षाकर्मी र १ जना प्रदर्शनकारी घाइते भएको जिल्ला प्रशासन कार्यालय ताप्लेजुङले बताएको छ ।

प्रमुख जिल्ला अधिकारी नेत्र प्रसाद शर्माका अनुसार नेपाल प्रहरीका ६ जना र सशस्त्र प्रहरीका ५ जना घाइते भएका छन् । त्यस्तै सो झडपमा एक जना मात्रै घाइते भएको प्रशासनको भनाई छ ।

त्यस्तै प्रहरीले प्रदर्शनमा उत्रिएका नागरिकमाथि लाठी चार्ज गर्नुका साथै पानीको फोहोरा र अश्रुग्यास समेत प्रहार गरेको थियो । प्रहरीले ५ राउण्डभन्दा बढी अश्रु ग्यास प्रहार गरेको छ ।

प्रकाशित मिति: बिहीबार, फागुन ८, २०८१

प्रतिक्रिया दिनुहोस्