पर्सा । वीरगंज महानगरपालिकाका मेयर राजेशमान सिंहविरुद्ध नागरिकता किर्तेमा जिल्ला प्रशासन कार्यालय पर्सामा जाहेरी परेको छ । मेयर सिंहले नक्कली बाबु बनेर रुबिना श्रेष्ठ नाम गरेकी युवतीलाई वंशजको नागरिकता दिएको सप्रमाण सिधाकुराले खुलासा गरेको थियो ।
EXCLUSIVE : नागरिकता किर्तेमा वीरगंज महानगरका मेयर राजेशमान सिंह (भिडियोसहित)
मंगलबार दिउँसो मेयर सिंहकै छिमेकी साबुदिन महम्मद सहाबुदिनले प्राप्त प्रमाणहरु हेर्दा मेयर सिंहले किर्ते गरेर नागरिकता दिएको देखिएकाले छानबिन गरी कारवाही गर्न माग गर्दै प्रशासन कार्यालयमा जाहेरी दर्ता गराएका हुन् ।
जाहेरीमा झुठो विवरण दिई जन्मदर्ता र नागरिकता बनाएको, झुठो विवरण पेश गरी लिइएको नागरिकता र राहदानी खारेज गर्न र नागरिकता लिने तथा नक्कली बाबु बनेर नागरिकता दिलाउने मेयर सिंहलाई कानुन अनुसार कारबाही गर्न माग गरिएको छ ।
