काठमाडाैँ । राष्ट्रिय स्वतन्त्र पार्टीका सभापति रवि लामिछानेलाई ५ दिन हिरासतमा राख्न अदालतले अनुमति दिएको छ ।
कास्की जिल्ला अदालतका न्यायाधीश चन्द्रकान्त पौडेलको इजलासले लामिछानेलाई थप हिरासतमा राख्न अनुमति दिएको हो ।
लामिछानेलाई सातौँ पटक कास्की प्रहरीले म्याद थपका लागि बिहिबार अदालतमा उपस्थित गराएको थियो । पोखराको सूर्यदर्शन सहकारी प्रकरणमा कास्की हिरासतमा रहेका लामिछानेलाई यसअघि दिएको ४ दिनको म्याद हिजो सकिएपछि प्रहरीले फेरी म्याद माग्दै अदालतमा उपस्थित गराएको थियो । ९ दिनको म्याद माग्दै पुगेको प्रहरीलाई अदालतले ५ दिनको मात्रै म्याद दिएको हो ।
अदालतले रवि लामिछाने स्वास्थ्य परीक्षण गराउन र मानव अधिकारको पूर्ण पालना गराउन समेत आदेश दिएको छ । बिहिबार लामिछानेका तर्फबाट वरिष्ठ अधिवक्ता शुसिल पन्त र अधिवक्ता डा नारायण कँडेलले बहस गरेका थिए ।
सहकारी रकम अपचलनको आरोप लागेका लामिछानेलाई कास्की प्रहरीको पत्रका आधारमा कात्तिक २ गते नेपाल प्रहरीको केन्द्रीय अनुसन्धान ब्यूरोले पक्राउ गरेर कास्की पठाएको थियो ।
कास्की जिल्ला अदालतले गत मंसिर २३ गते रवि लामिछानेलाई हिरासतमा राखेर अनुसन्धान गर्न छैटौँ पटक म्याद थप गरेको थियो । सो समयमा अदालतले रविलाई ४ दिन हिरासतमा राखेर अनुसन्धान गर्न अनुमति दिएको थियो । सो समय सकिएपछि बिहिबार कार्यालय खुल्नासाथ उनलाई अदालत उपस्थित गराइएको हो ।
लामिछानेमाथि पोखराको सूर्यदर्शन, बुटवलको सुप्रिम, चितवनको साहारा, काठमाडौँको स्वर्णलक्ष्मी, पर्साको सानोपाइला सहकारीको रकम अपचलनमा अनुसन्धान भइरहेको छ । प्रहरीले ती सबै सहकारी भएको ठाउँमा लगरे लामिछानेको बयान समेत लिइसकेको छ ।
मंसिर २७, २०८१ ०२:२३ मा प्रकाशित
-
Ganesh Air 14 days agoबर्सौ देखिन सडयन्त्र गर्न समय मात्रै खर्चिने र रबिलाई दुख दिने नियत यो भ्रस्ट सरकार को प्रतिसोध हो।गगन को राजनिती जोगाउन यो सब चतर्फी सडयन्त्र भैराछ।
-
📋 Email; Process 1.8298 bitcoin. Receive >>> https://telegra.ph/Bitcoin-Transfer-11-27?hs=f61b348815a0e477019d44fc35c9a34b& 📋 14 days ago249uup
