काठमाडौँ । सौर्य एअरलाइन्सको जहाज दुर्घटनामा परी मृत्यु भएकाहरुको शव अहिले शिक्षण अस्पताल महाराजगञ्जमा राखिएको छ । उनीहरुका आफन्तहरु मुर्छित अवस्थामा छन् ।
दुर्घटनामा १८ जनाले ज्यान गुमाएका छन् । जहाजमा अमितमान महर्जन, सागर आचार्य, दिलिप बर्मा, मनुराज शर्मा, अस्विन निरौला, सुदीपलाल जोशी, सर्वेश मरासैनी, श्याम बिन्दुकार, नवराज आले, राजाराम आचार्य, प्रिज्जा खतिवडा ,अधिराज शर्मा, उद्धव पुरी, यज्ञप्रसाद पौडेल, सन्तोष महतो, पुण्यरत्न शाही र अर्का विदेशी नागरिक आरेफ रेडा सवार रहेका थिए । दुर्घटनामा पाइलट शाक्यबाहेकका सबैजनाको निधन भएको छ। उनीहरुको ३ दिन भित्रमा पोष्मार्टन सकेर परिवारलाई शव बुझाउने तयारी गरिएको छ ।
श्रावण ९, २०८१ ०४:५० मा प्रकाशित
