मीनबहादुर गुरुङले एमालेलाई गरेको जग्गादानविरुद्ध परेकाे रिट सर्वोच्चद्वारा खारेज
काठमाडाैँ । नेकपा एमालेको केन्द्रीय कार्यालय भवन बनाउन व्यवसायी मीनबहादुर गुरुङले गरेको जग्गादानविरुद्ध सर्वोच्च अदालतमा परेको रिट खारेज भएको छ । गुरुङबाट एमालेले पाएको किर्तिपुरको जग्गाबारे दायर भएको रिट निवेदन सर्वोच्च अदालतको संयुक्त इजलासले खारेज गरेको हो ।
न्यायाधीशद्वय अब्दुल अजीज मुसलमान र बालकृष्ण ढकालको संयुक्त इजलासले सो रिट निवेदन खारेज गरेको विवरण सर्वोच्च अदालतले वेबसाइटमा राखेको छ । यद्यपी के आदेश भयो भन्नेवारे विवरण सार्वजकिन भएको छैन ।
गुरुङले एमालेको केन्द्रीय कार्यालय बनाउन गत असोज २५ गते काठमाडौँको कीर्तिपुर नगरपालिका–२, मैत्रीनगरमा रहेको १० रोपनी १४ आना जग्गा दान गरेको घोषणा थिए । प्रधानमन्त्री केपी शर्मा ओलीको दम्पत्ति र जग्गादाता गुरुङ दम्पतीले संयुक्त रूपमा एमाले मुख्यालय भवनको शिलान्यास समेत गरेका थिए ।
सो घोषणाउपर ज्ञानबहादुर बस्नेत, दिनेश त्रिपाठीलगायतले रिट दायर गरेपछि एमालेको पार्टी कार्यालय निर्माणको काम तत्कालका लागि रोकिएको थियो । अब भने सो काम खुल्ला भएको छ ।
- राजावादी आन्दोलनमा घुसपैठ !
- डिजेल र मट्टितेलमा २ रुपैयाँ घट्यो
- रास्वपाले राष्ट्रनिमार्णको ब्लुप्रिन्ट तयार पार्ने, लिडरसिप एकेडेमी र उम्मेदवार क्लब पनि सक्रिय बनाउने
- अठ्ठाइस वर्षपछि टुप्लुक्कै घर आइपुगेपछि..
- अवैध रूपमा सञ्चालित अस्पतालका व्यवस्थापक पक्राउ
- राष्ट्रपतिद्वारा विभिन्न पाँचवटा विधेयक प्रमाणीकरण
- राजवादीविरुद्ध एमालेको बाइक र्याली
- तीनकुने आगजानीमा मृत्यु भएका पत्रकारका परिवारलाई प्रधानमन्त्रीको आश्वासन, 'छानबिन गरी दोषीमाथि कडा कारबाही गर्छाैँ'
