बाढीले तहसनहस पारेको च्यासल रंगशाला (तस्बिरहरु)

काठमाडौँ । दशरथ रंगशालाको विकल्पका लागि राष्ट्रिय खेलकुद परिषद् (राखेप)को लगानीमा  स्तरोन्नत्ति गरिएको ललितपुरको च्यासल रंगशाला गत असोज ११ र १२ गरेको अविरल वर्षासँगै आएको बाढीले पूर्ण रुपमा क्षति पुर्याएको छ । अखिल नेपाल फुटबल संघले च्यासलमा टेक्निकल सेन्टरको रुपमा स्थापना गरेको सो टेक्निकल सेन्टरलाई पछि रंगशालाको स्वरुप दिएर बैकल्पिक मैदानका रुपमा स्तरोन्नत्ति गरिएको हो  । राखेपले २०७६ असारमा निर्माण कार्यको शुरुवात गरेको सो रंगशालाको उद्घाटन तत्कालीन  प्रधानमन्त्री पुष्पकमल दाहाल प्रचण्डले २०७९ फागुन १६ गते मंगलबार गरेका थिए ।

डाँफे जेभीले दुई वर्षमा निर्माण सम्पन्न गर्ने गरी सम्झौता गरे पनि ६ महिनाका दरले ६ पल्ट म्याद थपेर २०७९ असोज अन्तिममा राखेपलाई हस्तान्तरण गरेको सो रंगशाला मनोहरा खोलाको बाढीको चपेटामा परेको छ । भ्याट बाहेक २८ करोडमा निर्माण सम्पन्न गरिएको सो रंगलाशला मनोहरा खोला र बागमतीको संगमबाट करिव १०० मिटरको दूरीमा रहेको च्यासल मैदान मनोहरा खोलाकै किनारमा अवस्थित छ ।  २०७८ भदौ २२ र २०७९ साउन २५ गतेको बाढी रंगशालामा पसेको थियो भने २०८१ असोजको बाढीले भने रंगशाला खेल खेल्ने नहुने गरी क्षति पुर्याएको छ ।

 राष्ट्रिय खेलकुद परिषद (राखेप)को लगानीमा संचालन  भएको च्यासल रंगशाला स्तरोन्नत्तिको काम पाँच वर्ष लगाएर सकिएको थियो भने यो रंगशाला पुनर्निर्माणका लागि २८ करोड रुपैयाँ (भ्याटबाहेक) खर्च भएको  थियो