लाङ्टाङमा हराएका पर्यटक मृत भेटिए
रसुवा । लाङ्टाङको लिरूङ इलाकामा हराइरहेका एक विदेशी पर्यटक मृत भेटिएका छन् ।
जिल्ला प्रहरी कार्यालयका प्रमुख केशव भट्टराईका अनुसार हिमाली पदयात्राका क्रममा दुई हप्ता अगाडिदेखि हराइरहेका राहदानी नं बिसी ८९१५०२८ का ३४ वर्षीय स्लोभाकियाका अन्ड्रेज हुसुर्कालाई तेस्रोपटकको हवाई खोज उद्धारबाट फेलापरेको हो ।
समुद्र सतहबाट एक हजार सात सय मिटरको उचाइमा रहेको लिरूङ हिमाल क्षेत्रको करिब ३० मिटरको गहिरो खोंचमा वरिष्ठ क्याप्टेन विवेक खड्काको उद्धार समूहले पर्यटकको शव फेलापारेको प्रहरी नायब उपरीक्षक भट्टराईले जानकारी दिए ।
ती पर्यटकको शव परीक्षणका लागि काठमाडौँस्थित त्रिवि शिक्षण अस्पताल राखिएको छ । उनीसँगै गएका चेकरिपब्लिकका मारेक होलेसेक भने गत हप्ता सम्पर्कमा आएका थिए ।
ठमेलस्थित काठमाडौँ ट्रेकिङ कम्पनीमार्फत पठाएको पर्यटकलाई हिमालमा पठाउँदा न्यूनतम मापदण्ड पूरा गरे नगरेको विषयमा थप अनुसन्धान गरिरहेको प्रहरीले जनाएको छ ।
- राजावादी आन्दोलनमा घुसपैठ !
- डिजेल र मट्टितेलमा २ रुपैयाँ घट्यो
- रास्वपाले राष्ट्रनिमार्णको ब्लुप्रिन्ट तयार पार्ने, लिडरसिप एकेडेमी र उम्मेदवार क्लब पनि सक्रिय बनाउने
- अठ्ठाइस वर्षपछि टुप्लुक्कै घर आइपुगेपछि..
- अवैध रूपमा सञ्चालित अस्पतालका व्यवस्थापक पक्राउ
- राष्ट्रपतिद्वारा विभिन्न पाँचवटा विधेयक प्रमाणीकरण
- राजवादीविरुद्ध एमालेको बाइक र्याली
- तीनकुने आगजानीमा मृत्यु भएका पत्रकारका परिवारलाई प्रधानमन्त्रीको आश्वासन, 'छानबिन गरी दोषीमाथि कडा कारबाही गर्छाैँ'
