अवहेलना मुद्दामा बारका अध्यक्षलाई ७ दिनभित्र लिखित जवाफ पेश गर्न सर्वोच्चको आदेश, वारेस राख्न पाउने
काठमाडौँ । नेपाल बार एसोसिएसनका अध्यक्ष गोपालकृष्ण घिमिरेसँग सर्वोच्च अदालतले लिखित जवाफ माग गरेको छ । सर्वोच्चका न्यायाधीशद्वय कुमार रेग्मी र कुमार चूडालको संयुक्त इजलासले अध्यक्ष घिमिरेलाई ७ दिनभित्र लिखित जवाफ पेश गर्न आदेश दिएको हो ।
सर्वोच्चले घिमिरेलाई वारेसमार्फत जवाफ पेश गर्न सक्ने छुट दिएको छ ।
अशोज १४ गते नेपाल बार एसोसिएसनका अध्यक्ष गोपालकृष्ण घिमिरेविरुद्ध अदालतको अवहेलना मुद्दा दर्ता भएको थियो । घिमिरेले अदालतको अवहेलना गरेको भन्दै सर्वोच्च प्रशासनले तयार गरेको प्रतिवेदनका आधारमा मुद्दा दर्ता भएको हो ।
बारका अध्यक्ष घिमिरेले प्रधानन्यायाधीशले लेनदेनका आधारमा सर्वोच्च अदालतमा न्यायाधीश सिफारिस गरेको भन्ने अभिव्यक्ति दिएका थिए । उनको सोही अभिव्यक्तिले अदालतको अवहेलना भएकाले कारबाही माग राख्दै उपरजिष्ट्रार गोविन्द घिमिरेले प्रतिवेदन उठाएर मुद्दा दर्ता गरेका थिए ।
न्याय परिषद्ले सर्वोच्च अदालतको रिक्त रहेको न्यायाधीश पदमा दुई जना न्यायाधीश नियुक्तीका लागि सिफारिस गरेको थियो । बारका अध्यक्ष घिमिरले न्यायाधिश सिफारिसमा लेनदेन भएको बताएका थिए ।
- नेपाल र थाइल्याण्डबीचको आपसी सम्बन्ध नयाँ उचाइमा पुगेको छः प्रधानमन्त्री ओली
- रवीन्द्र र धवलसहित ४१ जनालाई म्याद थपका लागि लगिँदै
- २३ अङ्कले बढ्यो नेप्से परिसूचक
- कति छन् शिक्षक आन्दोलनमा शिक्षकहरू ? (ड्रोन भ्यू)
- काठमाडौँमा शिक्षकहरुको आन्दोलन (तस्विरहरु)
- तीनकुने घटनाका विषयमा सरकारको जवाफ माग्ने राज्य व्यवस्था समितिको निर्णय
- मेडिकल सहायतासहितको नेपाली सेनाको टोली म्यानमार प्रस्थान
- नेपाल र थाइल्याण्डबीच ८ समझदारीपत्रमा हस्ताक्षर
