११ करोड मूल्य बराबरको सवा ८ किलो सुनसहित २ जना पक्राऊ
मकवानपुर । जिल्ला प्रहरी कार्यालय मकवानपुरको टोलीले आज बिहान झण्डै सवा ८ किलो अबैध सुनसहित २ जनालाई पक्राऊ गरेको छ ।
अबैध सुन मकवानपुर हुँदै आएको पूर्वसूचना आएपछि मकवानपुर प्रहरी प्रमुख एसपी विश्वराज खड्कासहितको प्रहरी टोलीले पूर्वपश्चिम राजमार्ग अन्तर्गतको हेटौंडा–१५, रातोमाटे प्रहरी चेक पोष्टबाट २ जनालाई सुनसहित नियन्त्रणमा लिएको बताईएको छ ।
बाराको पथलैयातर्फबाट हेटौडा आउदै गरेको बागमती प्रदेश ०२–०४७ प ७५०३ नम्बरको स्कुटरमा आएका भारत महाराष्ट्र पुजारवाडीका २५ बर्षीय अभिषेक अजिनाथ कुटी र सोही स्कुटरमा पछाडी सवार सोही जिल्लाका २७ बर्षीय राहुल भिट्टिहाल बाडलाई खानतलाशी गर्दा शरीरको बिभिन्न भागमा लुकाई छिपाई राखि ल्याईएको अबैध सुन बिस्कुटको आकारको ८ किलो २ सय ४३ ग्राम ९ सय ७० मिलिग्राम फेला पारेको थियो ।
नियन्त्रणमा लिईएको सुनको आजको बजार मूल्य ११ करोड ४३ लाख ५७ हजार ८ सय ७८ रुपैया ६ सय ५० पैसा रहेको जनाईएको छ ।
जिल्ला प्रहरी कार्यालयमा आज पत्रकार सम्मेलन गरी सार्वजनिक गरिएको सुनसहितका २ जनालाई अनुसन्धान तथा कारवाहीको लागी राजश्व अनुसन्धान कार्यालय पथलैया, बारा पठाउने तयारी गरिएको मकवानपुर प्रहरीले जनाएको छ ।
- तीनकुनेको घटनामा पूर्वराजाले दुःख समेत व्यक्त गरेनन्ः विश्वप्रकाश शर्मा
- थाइल्याण्डमा प्रधानमन्त्री के के गर्नेछन् ?
- आज विश्वका प्रदूषित शहरको पहिलो नम्बरमा काठमाडौँ (तस्विरहरु)
- कुलमानबारे प्रधानमन्त्रीः कर्मचारीबाट विभागीय मन्त्रीले आफूप्रति लोयल्टी फिल गरेन भने पदमुक्त गर्न सक्छ
- तीनकुने घटनामा पूर्वराजाले उन्मुक्ति पाउँदैनन्ः प्रधानमन्त्री ओली
- प्रतिनिधिसभा बैठक LIVE
- ग्लोबल आइएमई बैंक र आईएफसीबिच डिजिटल ट्रान्सफरमेशन तथा एम्बेडेड फाइनान्स एडभाइजरी साझेदारी
- सुनको मूल्यले आज पनि बनायो नयाँ रेकर्ड
