बाढीपहिरोबाट क्षतिग्रस्त सडक सञ्जाल मर्मत गरि तत्काल सूचारु गर्न निर्देशन

काठमाडौँ । प्रतिनिधिसभा अन्तर्गतको पूर्वाधार विकास समितिले हालैका बाढीपहिरोबाट क्षतिग्रस्त सडकसञ्जाल मर्मत गरि तत्काल सूचारु गर्ने गरि काम गर्न सरकारलाई निर्देशन दिएको छ ।

सिंहदरबारमा शुक्रबार बसेको समिति बैठकले चाडवाडका समयमा सडक अवरुद्ध हुँदा लाखौँ सर्वसाधारणहरु समस्यामा परेको भन्दै बाढीपहिरोबाट क्षतिग्रस्त सडकसञ्जाल मर्मत गरि तत्काल सूचारु गर्ने गरि काम गर्न सरकारलाई निर्देशन दिएको हो । अहिलेको परिस्थीतिलाई मध्यनजर गर्दै बिपद क्षेत्रमा फास्ट ट्रयाकमार्फत सडक पुननिर्माण गर्न र बेलिब्रिज पुल जडानको कामलाई तीव्रता दिन पनि समितिले निर्देशन दिएको छ ।

त्यस्तै बैठकले बाढीपहिरोका क्षति भएको विधुत र सिंचाइ संरचना तत्काल निर्माण गर्न पनि ऊर्जा मन्त्रालयलाई निर्देशन दिएको छ ।

बैठकमा भौतिक पूर्वाधार तथा यातायात मन्त्री देवेन्द्र दाहालले बाढी पहिरोका कारण अवरुद्ध भएका राजमार्गहरू दशैँ अगाडि नै खुलाउने गरि काम भइरहेको जानकारी दिए । उनले बाढी पहिरोबाट भएको क्षतिको पुनर्निर्माणका लागि २० देखि २५ अर्ब रुपैयाँ लाग्ने आकलन गरिएको बताए । 

त्यस्तै ऊर्जामन्त्री दिपक खड्काले बाढीपहिरोबाट क्षतिग्रस्त विधुत संरचना बनाउने काम सुरु गरिसकेको र प्राकृतिक प्रकोपका कारण अवरुद्ध भएका विद्युतहरु सूचारु भइसकेको जानकारी दिए । क्षति भएका ठूला संरचनाहरु तत्काल निर्माण सम्भव नभएकाले बैकल्पीक माध्यमबाट विद्युत प्रभाव भइरहेको उनले बताए ।

उनले बाढिपहिरोका कारण सिँचाइ क्षेत्रमा भएको क्षतिको विवरण संकलन भइरहेको र छिटो भन्दा छिटो पुननिर्माण गरिने जिकिर गर्नुभयो । बैठकमा समिति सदस्यहरुले बाढीपहिरोको अलर्ट जारी हुँदा पनि राम्रोसंग पूर्वतयारी नभएकाले ठूलो धनजनको क्षति हुनपुगेको धारणा राखेका थिए ।