अत्यधिक गर्मी बढेपछि विद्यालयमा बिदा
महोत्तरी । पछिल्लो साता घामको राप निकै बढेर गर्मी बढेपछि महोत्तरीमा फेरि विद्यालय बिदा दिन थालिएको छ । जिल्लाको सुदूर दक्षिणवर्ती मनराशिशवा नगर कार्यपालिकाको कार्यालयले अत्यधिक बढेको गर्मीकै कारण आजदेखि छ दिन विद्यालय बिदा दिने सूचना गरेको हो । महोत्तरीमा असोज सङ्क्रान्तियता ४५ डिग्री सेल्सियस तापक्रम रहँदै आएको छ ।
घामको प्रचण्ड राप बढेर कलिला उमेरका बालबालिकालाई विद्यालय आउजाउमा निकै समस्या बढेपछि उनीहरुको स्वास्थ्यलाई ध्यान दिँदै छ दिन बिदाको निर्णय गरिएको कार्यालयका प्रमुख प्रशासकीय अधिकृत राजेशकुमार शर्माले जानकारी दिए। यसअघि गत जेठमा पनि मनराशिशवासहितका जिल्लाका सबै स्थानीय तहले गर्मी छल्न सात दिन बिदा दिएका थिए ।
मनराशिशवा नगर कार्यालयले गर्मी छल्न बिदा दिएपछि जिल्लाका अन्य स्थानीय तहले पनि बिदा दिने तयारी गरेका छन् । जिल्लामा असोज लागेपछि बढेको प्रचण्ड रापले सरकारी कार्यालयमा काम विशेषले पुग्ने सेवाग्राही निकै घटेका छन् । यसैगरी हाटबजार, यातायात र व्यापारिक प्रतिष्ठानमा पनि चहलपहल घटेको छ ।
- सांसद बोहराको शव हेलिकप्टरमार्फत भैरहवा लगिने
- प्रधानमन्त्री ओली थाइल्याण्डतर्फ प्रस्थान (तस्विरहरु)
- आन्दोलनमै नगएकी साथीलाई गोली हानेको भन्दै केएमसीका विद्यार्थीको प्रदर्शन (तस्विरहरु)
- आज मध्यरातदेखि संसद् अधिवेशन अन्त्य
- बिपी राजमार्गः पुरानै स्वरुपमा फर्काउन छैन तदारुकता, वैकल्पिक सडक निर्माण गरिँदै
- सुनको मूल्य निरन्तर अकासिदो, आजपनि नयाँ रेकर्ड
- सांसद पद निलम्बन फुकुवा गर्न सभामुखसामु रवि लामिछानेको माग
- राप्रपा सांसद दीपक बोहराको निधन
