गाजामा इजरायली आक्रमण हुँदा एकै परिवारका ११ जनाको मृत्यु
गाजाको नागरिक सुरक्षा विभागले शनिबार बिहान गाजा सहरको एउटा घरमा भएको इजरायली हवाई आक्रमणमा महिला र बालबालिकासहित एकै परिवारका ११ जनाको मृत्यु भएको बताएको छ ।
“पूर्वी गाजा सहरमा बुस्तान परिवारको घरमा भएको इजरायली आक्रमणबाट हामीले चार बालबालिका र तीन महिलासहित ११ जनाको शव फेला पारेका छौँ”, विभागकाका प्रवक्ता महमुद बस्सलले बताए।
गाजा सहरको अल–तुफाहमा रहेको सुजैया विद्यालय नजिकै आक्रमण भएको उनले बताए । “उद्धारकर्ताले बेपत्ता व्यक्तिहरूको खोजी जारी राखेका छन्”, बस्सलले भने ।
इजरायली सेनाले आक्रमणबारे तत्काल कुनै टिप्पणी गरेको छैन ।
बस्सलले इजरायली सेनाले हमासद्वारा सञ्चालित क्षेत्रका केही अन्य भागमा रातारात यस्तै आक्रमण गर्दा कम्तिमा १० जनाको मृत्यु भएको बताएका छन् ।
उत्तरपश्चिमी गाजा सहरमा दार अल–अर्काम विद्यालय नजिकै मानिसको भीडमा हवाई आक्रमण हुँदा पाँच जनाको मृत्यु भएको उनले जानकारी दिएका छन् ।
त्यसैगरी, दशौँ हजार विस्थापित प्यालेस्टिनीहरूले शरण लिएको दक्षिणी खान युनिस प्रान्तको अल–मवासी क्षेत्रमा भएको आक्रमणमा अन्य तीन जनाको मृत्यु भएको छ ।
- आजका कुराः दिनभर के के भए ?
- रवि लामिछानेको मुद्दामा उच्च अदालतको वेबसाइटमै कसरी भयो दुईथरी आदेश अपडेट ?
- करिब ६ किलो गाँजा जस्तो देखिने पदार्थ सहित ३ जना पक्राउ
- नेपालगञ्ज यातायातमा सेटिङमा सवारी लाइसेन्स, मासिक उठाउँथे ३ करोड बढी
- प्रहरीले भेट्टाउन नसेकेका दुर्गा प्रसाईँको आईजीपीलाई चुनौती, ‘वकिल र मानव अधिकारवादीको रोहवरमा कुरा गर्नेभए सार्वजनिक हुन्छु’
- प्रधानमन्त्री ओलीले दोहोर्याए, ‘सुशासन र समृद्धिको यात्रामा कुनै सम्झौता हुँदैन’
- गोली हानिएकी रेविका भेट्न सिभिल अस्पताल पुगेका गृहमन्त्रीले भने, ‘उपचार गर्दा लागेको खर्च फिर्ता पाउनुहुन्छ’
- झापामा चट्याङ लागेर एकजनाको मृत्यु
